استانا. 31 مامىر. قازاقپارات - الماتى وبلىسىندا «ارقانكەرگەن» شەكارا بەكەتىندە ورتەنىپ كەتكەن شەكاراشىلاردىڭ قارۋلارى وقيعا ورنىنان تابىلدى.

بۇل تۋرالى قازاقپارات تىلشىسىنە قر ۇقك شەكارا قىزمەتىنىڭ دەرەككوزى ءمالىم ەتتى.

ونىڭ اتاپ وتۋىنشە، اتالعان قارۋلاردان سوڭعى كۇندەرى وق اتىلعان-اتىلماعاندىعىن تەكسەرۋ قازىرگى ۋاقىتتا مۇمكىن بولماي وتىر. وسىعان وراي تابىلعان قارۋلار ارنايى ساراپتامادان وتكىزىلەتىن بولادى.  سونىمەن قاتار قازا تاپقان شەكاراشىلاردىڭ سانىنا قاتىستى ءارتۇرلى دەرەكتەر بۇقارالىق اقپارات قۇرالدارىندا جارىق كورگەن بولاتىن. ال دەرەككوزىنىڭ ايتۋىنشا، وقيعا ورنىندا شەكارا قىزمەتى، ۇلتتىق قاۋىپسىزدىك جانە ىشكى ىستەر ورگاندارىنىڭ ماماندارى جەدەل تەرگەۋ امالدارىمەن قاتار، ىزدەۋ شارالارىن دا جۇرگىزۋدە. جالپى اتالعان شەكارا بەكەتىندە 15 شەكارشى بولعان.

سونداي-اق، ول بۇل قايعىلى وقيعانىڭ شەكاراشىلار كۇنىن مەرەكەلەۋمەن بايلانىستىرعان الىپ-قاشپا سوزدەردى جوققا شىعاردى. «قازاقستان شەكاراشىلار كۇنى قازاقستاندا جىل سايىن 18 تامىزدا اتالىپ وتىلەدى. ال 28 مامىر كسرو شەكاراشىلارىنىڭ كۇنى بولاتىن. قازىرگى ۋاقىتتا بۇل كۇن قازاقستاندىق شەكاراشىلار ءۇشىن ادەتتەگى كۇندەردىڭ ءبىرى»، - دەيدى ول.

ونىڭ باسا نازار اۋدارۋىنشا، وقيعا بولعان جەردە شەكارا قىزمەتىنىڭ ديرەكتورى گەنەرال-مايور نۇرجان مىرزاليەۆتىڭ باسشىلىعىمەن قر ىشكى ىستەر مينيسترلىگى جانە باس اسكەري پروكۋراتۋرا ماماندارى مەن وكىلدەرىنىڭ قاتىسۋىمەن جەدەل تەرگەۋ توبى جۇمىس ىستەۋدە.

استانا. 31 مامىر. قازاقپارات - الماتى وبلىسىندا «ارقانكەرگەن» شەكارا بەكەتىندە ورتەنىپ كەتكەن شەكاراشىلاردىڭ قارۋلارى وقيعا ورنىنان تابىلدى.

بۇل تۋرالى قازاقپارات تىلشىسىنە قر ۇقك شەكارا قىزمەتىنىڭ دەرەككوزى ءمالىم ەتتى.

ونىڭ اتاپ وتۋىنشە، اتالعان قارۋلاردان سوڭعى كۇندەرى وق اتىلعان-اتىلماعاندىعىن تەكسەرۋ قازىرگى ۋاقىتتا مۇمكىن بولماي وتىر. وسىعان وراي تابىلعان قارۋلار ارنايى ساراپتامادان وتكىزىلەتىن بولادى.  سونىمەن قاتار قازا تاپقان شەكاراشىلاردىڭ سانىنا قاتىستى ءارتۇرلى دەرەكتەر بۇقارالىق اقپارات قۇرالدارىندا جارىق كورگەن بولاتىن. ال دەرەككوزىنىڭ ايتۋىنشا، وقيعا ورنىندا شەكارا قىزمەتى، ۇلتتىق قاۋىپسىزدىك جانە ىشكى ىستەر ورگاندارىنىڭ ماماندارى جەدەل تەرگەۋ امالدارىمەن قاتار، ىزدەۋ شارالارىن دا جۇرگىزۋدە. جالپى اتالعان شەكارا بەكەتىندە 15 شەكارشى بولعان.

سونداي-اق، ول بۇل قايعىلى وقيعانىڭ شەكاراشىلار كۇنىن مەرەكەلەۋمەن بايلانىستىرعان الىپ-قاشپا سوزدەردى جوققا شىعاردى. «قازاقستان شەكاراشىلار كۇنى قازاقستاندا جىل سايىن 18 تامىزدا اتالىپ وتىلەدى. ال 28 مامىر كسرو شەكاراشىلارىنىڭ كۇنى بولاتىن. قازىرگى ۋاقىتتا بۇل كۇن قازاقستاندىق شەكاراشىلار ءۇشىن ادەتتەگى كۇندەردىڭ ءبىرى»، - دەيدى ول.

ونىڭ باسا نازار اۋدارۋىنشا، وقيعا بولعان جەردە شەكارا قىزمەتىنىڭ ديرەكتورى گەنەرال-مايور نۇرجان مىرزاليەۆتىڭ باسشىلىعىمەن قر ىشكى ىستەر مينيسترلىگى جانە باس اسكەري پروكۋراتۋرا ماماندارى مەن وكىلدەرىنىڭ قاتىسۋىمەن جەدەل تەرگەۋ توبى جۇمىس ىستەۋدە.