«اق جول» پارتياسى الماتى قالالىق فيليالىنىڭ توراعاسى، اۋعان سوعىسىنىڭ ارداگەرى تالاعات ءابدىجاپپاروۆ بىزبەن سۇحباتىندا الاش يدەياسى ەشكىمنىڭ مەنشىكتى مۇراسى ەمەس دەيدى.

-  تالعات قايىربايۇلى، «اق جول» پارتياسى ۇلت مۇددەسى، ۇلتتىق قۇندىلىقتار، سونىڭ ىشىندە الاش مۇراسى جونىندە كوپتەگەن يگى باستامالار كوتەرىپ ءجۇر. بۇل قانداي قاجەتتىلىكتەن تۋىپ جاتىر؟

-  بىرىنشىدەن، ۇلتتىڭ، وسى مەملەكەتكە اتىن بەرگەن قازاق حالقىنىڭ مۇددەسى «ەلىم» دەگەن ءاربىر ازامات ءۇشىن قاجەتتىلىك بولۋى ءتيىس. سەبەبى، بۇل  ءبىزدىڭ وتكەنىمىزدىڭ، بۇگىنىمىز بەن بولاشاعىمىزدىڭ الدىنداعى قارىزىمىز بەن پارىزىمىز. الاش يدەياسى مەن الاشوردا پارتياسىنىڭ مۇراسىنا قاتىستى دا وسى ماسەلەنى ايتۋعا ءتيىسپىز. مۇنىڭ ءبارى ءار قازاقتىڭ جۇرەگى مەن ساناسىندا جاتقان كيەلى دۇنيەلەر.
اقيقاتىن ايتايىق، ۇلتتىڭ مۇڭ-مۇقتاجى، ۇلتتىق قۇندىلىقتار جەكەلەگەن ادامداردىڭ مەنشىكتى تاقىرىبى نەمەسە قوراسىنداعى مەنشىك مالى ەمەس! سول سياقتى، الاش يدەياسىنىڭ دا جالعىز مۇراگەرى «مەن» دەپ ايتۋعا الاشتىڭ ارۋاعىنان قورقۋىمىز كەرەك.
«اق جول» پارتياسى دا - الاشتىڭ يدەياسىن جاڭا تۇرپاتتا ناسيحاتتاۋعا بەل بۋعان، سول يدەيالارعا ادال ساياساتكەرلەردىڭ، عالىمداردىڭ، قاراپايىم ازاماتتاردىڭ باسىن قوسقان بەدەلدى ساياسي ۇيىم. قازىرگى كەزدە پارتيا مۇشەلەرىنىڭ سانى 200 مىڭعا جۋىقتادى. ەندەشە، بۇل ۇستانىم «اق جول» پارتياسىنداعى 200 مىڭ ادامنىڭ يدەياسى جانە قوزعاۋشى كۇشى دەپ قاراستىرۋ قاجەت.

«اق جول» پارتياسى الماتى قالالىق فيليالىنىڭ توراعاسى، اۋعان سوعىسىنىڭ ارداگەرى تالاعات ءابدىجاپپاروۆ بىزبەن سۇحباتىندا الاش يدەياسى ەشكىمنىڭ مەنشىكتى مۇراسى ەمەس دەيدى.

-  تالعات قايىربايۇلى، «اق جول» پارتياسى ۇلت مۇددەسى، ۇلتتىق قۇندىلىقتار، سونىڭ ىشىندە الاش مۇراسى جونىندە كوپتەگەن يگى باستامالار كوتەرىپ ءجۇر. بۇل قانداي قاجەتتىلىكتەن تۋىپ جاتىر؟

-  بىرىنشىدەن، ۇلتتىڭ، وسى مەملەكەتكە اتىن بەرگەن قازاق حالقىنىڭ مۇددەسى «ەلىم» دەگەن ءاربىر ازامات ءۇشىن قاجەتتىلىك بولۋى ءتيىس. سەبەبى، بۇل  ءبىزدىڭ وتكەنىمىزدىڭ، بۇگىنىمىز بەن بولاشاعىمىزدىڭ الدىنداعى قارىزىمىز بەن پارىزىمىز. الاش يدەياسى مەن الاشوردا پارتياسىنىڭ مۇراسىنا قاتىستى دا وسى ماسەلەنى ايتۋعا ءتيىسپىز. مۇنىڭ ءبارى ءار قازاقتىڭ جۇرەگى مەن ساناسىندا جاتقان كيەلى دۇنيەلەر.
اقيقاتىن ايتايىق، ۇلتتىڭ مۇڭ-مۇقتاجى، ۇلتتىق قۇندىلىقتار جەكەلەگەن ادامداردىڭ مەنشىكتى تاقىرىبى نەمەسە قوراسىنداعى مەنشىك مالى ەمەس! سول سياقتى، الاش يدەياسىنىڭ دا جالعىز مۇراگەرى «مەن» دەپ ايتۋعا الاشتىڭ ارۋاعىنان قورقۋىمىز كەرەك.
«اق جول» پارتياسى دا - الاشتىڭ يدەياسىن جاڭا تۇرپاتتا ناسيحاتتاۋعا بەل بۋعان، سول يدەيالارعا ادال ساياساتكەرلەردىڭ، عالىمداردىڭ، قاراپايىم ازاماتتاردىڭ باسىن قوسقان بەدەلدى ساياسي ۇيىم. قازىرگى كەزدە پارتيا مۇشەلەرىنىڭ سانى 200 مىڭعا جۋىقتادى. ەندەشە، بۇل ۇستانىم «اق جول» پارتياسىنداعى 200 مىڭ ادامنىڭ يدەياسى جانە قوزعاۋشى كۇشى دەپ قاراستىرۋ قاجەت.

-  سىزدەردىڭ وسى باعىتتاعى شارۋالارىڭىزعا سەنىمسىز قارايتىندار دا بار ەكەنىن جاسىرۋعا بولمايتىن شىعار...

-  ارينە، ساياسي كۇرەس، ساياسي باسەكەلەستىك بار جەردە ءبارى دە بولادى. ءسىزدىڭ ايتىپ وتىرعانىڭىز سونىڭ ءبىر كورىنىسى دەپ قابىلداۋ كەرەك.
بۇگىنگى تاڭدا ءبىزدىڭ جاقتاستارىمىز دا، قارسىلاستارىمىز دا ءبىر نارسەنى مويىنداپ وتىر. «اق جول» پارتياسى قازىردە تولىققاندى، بەلسەندى جۇمىس ىستەپ جاتقان، باسەكەلەستىككە قابىلەتتى، قۋاتتى ساياسي ورگانيزمگە اينالدى. جانە، جوعارىدا ايتقانداي، ءبىز ءوز ماقسات-مىندەتتەرىمىزدى تۋعان حالقىمىزدىڭ اسىل مۇراتتارىنان اجىراتىپ كورگەن جوقپىز.
تاعى ءبىر توقتالا كەتەتىن ماسەلە، «اق جولدىڭ» بۇگىنگى پارلامەنتكە كىرۋى، پارتيانىڭ شىن مانىندە ءتىرىلۋى، جاڭا يدەيالارمەن، جاڭا قۇراممەن تولىعۋى پارتيانىڭ جاڭا توراعاسى ازات پەرۋاشەۆپەن تىكەلەي بايلانىستى.

«كەشەگى «اق جول» كىم ەدى؟ بۇگىنگى «اق جول» كىم؟» دەگەن سۇراققا جاۋاپ بەرەتىن بولساق، كەشەگى «اق جول»، شىنىن ايتۋ كەرەك، تۇرالاپ قالعان، وبلىستاردا فيليالدارى جوق، يدەيالىق جاعىنان السىرەگەن ساياسي قۇرىلىم بولاتىن. سوڭعى جارتى جىلدىڭ ىشىندە پارتيا ءوزىنىڭ يدەيالوگيالىق باسىمدىقتارىن ايقىنداپ قانا قويماي، سول باسىمدىقتاردى حالىققا ءتۇسىندىرىپ، جەتكىزە ءبىلدى. تۇرالاپ جاتقان پارتيانىڭ ورتالىق، ايماقتىق قۇرىلىمدارى جاڭاردى. پارتيا يدەولوگيالىق، ساياسي، رۋحاني تۇرعىدان بولسىن، قابىلەتتى قۇرىلىمعا اينالدى. وسىنىڭ بارلىعى پارتيا جەتەكشىسى ازات پەرۋاشەۆ پەن ونىڭ ۇيىمداستىرۋشىلىق، ساياسي، باسقارۋ قابىلەتتەرىنە سەنىپ كەلگەن جاڭا كومانداسىنىڭ ارقاسى.

- الايدا، سايلاۋدان كەيىن «اق جولدا» بۇرىننان كەلە جاتقان كەيبىر ازاماتتاردىڭ دا كەرى پىكىرلەرى دە ەستىلىپ قالدى عوي.

-  شىنىن ايتۋ كەرەك، «اق جولدا» بۇرىننان ىستەپ كەلە جاتقان ادامدار مەن جاڭادان ىستەپ كەلە جاتقان ادامداردى توپتاستىرۋ، ۇشتاستىرۋ وڭاي بولعان جوق. بىراق ءبىزدىڭ بارشامىزدى بىرىكتىرگەن -- «اق جولدىڭ» تەمىرقازىعى بولىپ تابىلاتىن، مەملەكەتتىك، ۇلتتىق مۇددە بولدى. 
ەكىنشىدەن، ءبىزدىڭ ءتۇپ ماقساتىمىز قانداي دا جولمەن پارلامەنتكە ءوتۋ ەمەس، كەرىسىنشە، پارتيانى جاڭا يدەيالارمەن، جاڭا ادامدارمەن، جاس لەپپەن تولىقتىرۋ بولدى. بۇل ماسەلەدە پارتيانىڭ ءوز ىشىندە تولىق تۇسىنىستىك بولعانىن قاداپ ايتقان ءجون.
پارتيانىڭ سايلاۋالدى جۇمىسىنا بارلىعى دا ءبىر كىسىدەي ات سالىستى. ءتىپتى، رەتى كەلگەندە وسى ازاماتتاردىڭ اتى-جوندەرىن دە اتاپ وتسەك، ارتىق بولمايدى.
«سترويكلاسس» قۇرىلىس كومپانياسىنىڭ پرەزيدەنتى تالعات ەرعاليەۆ، ەلىمىزدەگى بۇكىل شارۋا قوجالىقتارىنىڭ باسىن بىرىكتىرىپ وتىرعان «اگروونەركاسىپ» پالاتاسىنىڭ توراعاسى اسىلحان يگىباەۆ، «تورتقۇدىق» سەرىكتەستىگىنىڭ پرەزيدەنتى ق. ءىليانوۆ، «ميلانج» اق پرەزيدەنتى، بەلگىلى كاسىپكەر ش. جاراسوۆا، «ماقتاونەركاسىبى» كورپوراتسياسىنىڭ پرەزيدەنتى ە. اباسوۆ سياقتى ازاماتتار پارتيانىڭ جەڭىسىنە زور ۇلەس قوستى.
ءبىز ەل الدىندا بەدەلى بار، بەلگىلى ازاماتتاردىڭ شاعىن بولىگىن عانا ايتىپ وتىرمىز. مۇنداي ادامدار ەلىمىزدە جۇزدەپ، مىڭداپ   سانالادى. ولار ءۇشىن پارتيانىڭ مۇددەسى ءوزىنىڭ جەكە باس مۇددەسىنەن ءاردايىم جوعارى تۇر. سەبەبى، ولار ناقتى ءىستىڭ ادامدارى. ءىستىڭ ادامدارى ورتاق ىسكە كەلگەندە پارتيانىڭ مۇددەسىن جەكە مۇددەدەن جوعارى قويا بىلەدى.

- ۇلتتىق قۇندىلىقتار، الاش ماسەلەسىن كوتەرەتىن ازاماتتار پارلامەنتكە وتپەدى دەگەن ءسوز شىعىپ جاتىر. سوعان قالاي جاۋاپ بەرەر ەدىڭىز؟

- پارلامەنت دەگەنىمىز زاڭ شىعارۋشى ورگان، ول جەردە ەكونوميكا، الەۋمەتتىك سالا، بيزنەس سالاسىن جەتىك بىلەتىن ازاماتتار وتىرۋى ءتيىس. بۇل تۇرعىدا ءبىزدىڭ ۇمىتكەرلەر سەنىمگە لايىق دەپ ويلايمىن.  اينالىپ كەلگەندە، ولاردى مەملەكەتشىل، ۇلتجاندى، پاتريوت ەمەس دەپ كىم ايتا الادى؟

ءبىز ۇساق-تۇيەك تىرشىلىكپەن ەمەس، جاۋاپكەرشىلىگى زور، كەلەلى ىستەرمەن شۇعىلدانۋىمىز كەرەك. «اق جول» پارتياسى الاشتىڭ قۇندىلىقتارىن تۋ ەتىپ وتىر، تيىسىنشە، سول قۇندىلىقتار پارلامەنتكە دە اۋىستى دەپ ايتۋعا تولىق نەگىز بار.
ساياسي ۇعىمدار مەن ساياسي قۇندىلىقتاردى شاتاستىرماۋعا ءتيىسپىز. مەنىڭشە، ەلىمىزدە تۇراتىن ون ميلليوننان استام قازاق ءتىل ماسەلەسى، ۇلتتىق قۇندىلىقتار جونىندە سول ماسەلەنى كوتەرىپ جۇرگەن ازاماتتاردان ارتىق بولماسا كەم ويلامايدى. قازىر ءاربىر اۋىلدا، ءاربىر ەلدىمەكەندە، ءاربىر جۇمىس ورنىندا مۇنداي ۇلتجاندىلار جەتەرلىك. سوندىقتان، ۇلتتىق ماسەلەنى كەيبىر ازاماتتاردىڭ وزىنە مەنشىكتەپ العىسى كەلۋى اتالعان كيەلى ۇعىمدى لاستاپ، رۋحاني قۇلدىراۋعا اكەپ تىرەۋى مۇمكىن. بۇل - بۇكىل قازاقتىڭ تاريحىنا، قازاقتىڭ بۇگىنى مەن بولاشاعىنا توپىراق شاشۋ دەگەن ءسوز.
بۇگىنگى تاڭدا پارتيا ءۇشىن باسىم باعىتتار  - «اق جولدى» يدەيالىق تۇرعىدان قايتا جاڭارتۋ، فيليالداردىڭ جۇمىسىن جانداندىرۋ. ەڭ نەگىزگىسى  - «اق جولعا» جاڭا تۇرپاتتا، جاڭاشا ويلايتىن ينتەللەكتۋالدىق دەڭگەيى جوعارى جالىندى جاستاردى تارتۋ. پارتيا توراعاسى ازات پەرۋاشەۆتىڭ قويىپ وتىرعان تالابى وسى.  ويتكەنى، «اق جول»  - ءبىر كۇننىڭ پارتياسى ەمەس، ساياسي ۇيىم رەتىندە ەلىنە، حالقىنا، مەملەكەتىنە قىزمەت ەتكىسى كەلەتىن، ەلدەگى جاعدايلارعا بەي-جاي قارامايتىن، مەملەكەتشىل ازاماتتاردىڭ پارتياسى. ءبىز ۇزاق مەرزىمدى ستراتەگيا ۇعىمىمەن، پارتيانىڭ بۇگىنگى ەمەس، ەرتەڭگى كاتەگورياسىمەن ويلاۋىمىز كەرەك. ءبىز وسى باعىتتا جۇمىس ىستەيتىن بولامىز.

-  تالعات قايىربايۇلى! وزدەرىڭىز تاڭداعان سەگىز دەپۋتاتتى قالاي باعالايسىز؟

-  8 دەپۋتاتىمىز دا ەلدىڭ الدىندا جۇرگەن بەلدى ازاماتتار. ولاردىڭ ارقايسىسىنىڭ قادىر-قاسيەتتەرىن اتاپ، تۇستەۋدىڭ قاجەتى شامالى. ءبارى دە ءومىر تاجىريبەسى مول، ءبىلىمدى  دە بىلىكتى، ءوز كاسىپتەرىنىڭ مايتالمان ماماندارى.
بىراق، «دەپۋتات» ۇعىمىن ساياسيلاندىرا بەرۋدىڭ دە قاجەتى جوق. ولار، ەڭ الدىمەن، حالىققا، مەملەكەتكە قىزمەت جاساۋى ءتيىس. پارلامەنتتەگى 8 ورىن سول سەگىز دەپۋتاتتىڭ جەڭىسى ەمەس، بۇل - «اق جول» پارتياسىنىڭ جەڭىسى! پارتيالىق تىزىمدە بولعان باسقا دا ۇمىتكەرلەردىڭ، سونىڭ ىشىندە ەل اعاسى امانگەلدى ايتالىنىڭ، بەلگىلى اقىندار، قوعام قايراتكەرلەرى قازبەك يسانىڭ، سەرىك تۇرعىنبەكۇلىنىڭ، پارتيانىڭ العاشقى كۇنىنەن بەلسەندى قىزمەت ەتىپ كەلە جاتقان ابدىرازاق سۇلتانوۆتىڭ ۇلكەن جەڭىسى دەپ بىلەمىز. بۇل ازاماتتاردىڭ بەدەلى، وي-پىكىرى پارتيا ءۇشىن ءاردايىم قۇندى، باعالى. ول كىسىلەر پارلامەنت مىنبەرىندەگى دەپۋتاتتارىمىزعا الاش يدەياسىن، ۇلتتىق قۇندىلىقتاردى كوتەرۋدى  امانات ەتۋى، تالاپ ەتۋى قاجەت.

ەڭ باستىسى، «اق جولدىڭ» جەڭىسى - ءبىزدىڭ 200 مىڭعا جۋىقتاعان مۇشەلەرىمىزدىڭ جەڭىسى. پارتيا مۇشەلەرى سايلاۋ قورىتىندىلارىن تەك قانا وسى تۇرعىدا قاراستىرادى.

سۇحباتتاسقان ءشارىپحان قايسار

«اباي-اقپارات»