سەنبى, 7 جەلتوقسان 2019
جاڭالىقتار 1177 0 پىكىر 2 اقپان, 2012 ساعات 06:41

سىرىم دات. ون التىدان سوڭ نە بولماق؟..

قازاقتىڭ تالايىنا جازىلعان ساننىڭ ءبىرى -16. ونى بۇرىن دا جازعانبىز. بۇل - ءبىر كىلتسوز ەكەن.
1916 جىلعى قازاقتىڭ كوتەرىلىسىنەن سوڭ، ءبىر جىل ىشىندە رەسەي يمپەرياسىنا توپالاڭ كەلىپ، پاتشا تاقتان قۇلادى، قۇلادى دا قىزىلدار ونىڭ ورنىن باستى.
پاتشالىق رەسەي قانشا باسقىن ساياسات جۇرگىزسە دە، قىزىل يمپەريا كەزىندەگىدەي قازاقتى قىرماپتى. قازاقتىڭ جەرىن دە ەگىن ەگۋگە جىرتا المادى. پاتشالىق رەسەيدىڭ قازاققا «بەرگەنى» رەتىندە الاشتىق ارداگەرلەردى «الديلەپ»، وسىرگەنى دەيىك. ارينە، ول يمپەريالىق ساياسات ەمەس، تاريحتىڭ تالكەگىنەن اراشالاعان اللانىڭ اق ءىسى بولار! ينشاللا!
ال، 1986-نىڭ 16 جەلتوقسانىنان كەيىن بەس جىلدان سوڭ ءوزىمىزدىڭ قىزىلدار وكىمەتكە قونجيدى. مۇنى قازاق «تاۋەلسىزدىك» اتادى. سودان بەرى سول «تاۋدەن» تاۋەلسىزدەنۋمەن كەلەمىز. بىراق قازاق شىم-شىمداپ بولسا دا، الاشاعىن الىپ كەلەدى. تاۋەلسىز رۋحانيات بولماسا دا، اتادان قالعان بايلىقتى ءوز قولىمىزبەن، ءوز بايشىكەشتەرىمىزبەن توگىپ-شاشساق تا  - ەگەمەن ەلمىز!
16 سانى. بۇل ءبىر الاشتىڭ تاريحي بەكەتى سەكىلدى سان ەكەن. كەلەسى بەلەستى وسى سانعا توقتاپ الىپ، توريەنى اڭعارۋعا جازعانداي.

قازاقتىڭ تالايىنا جازىلعان ساننىڭ ءبىرى -16. ونى بۇرىن دا جازعانبىز. بۇل - ءبىر كىلتسوز ەكەن.
1916 جىلعى قازاقتىڭ كوتەرىلىسىنەن سوڭ، ءبىر جىل ىشىندە رەسەي يمپەرياسىنا توپالاڭ كەلىپ، پاتشا تاقتان قۇلادى، قۇلادى دا قىزىلدار ونىڭ ورنىن باستى.
پاتشالىق رەسەي قانشا باسقىن ساياسات جۇرگىزسە دە، قىزىل يمپەريا كەزىندەگىدەي قازاقتى قىرماپتى. قازاقتىڭ جەرىن دە ەگىن ەگۋگە جىرتا المادى. پاتشالىق رەسەيدىڭ قازاققا «بەرگەنى» رەتىندە الاشتىق ارداگەرلەردى «الديلەپ»، وسىرگەنى دەيىك. ارينە، ول يمپەريالىق ساياسات ەمەس، تاريحتىڭ تالكەگىنەن اراشالاعان اللانىڭ اق ءىسى بولار! ينشاللا!
ال، 1986-نىڭ 16 جەلتوقسانىنان كەيىن بەس جىلدان سوڭ ءوزىمىزدىڭ قىزىلدار وكىمەتكە قونجيدى. مۇنى قازاق «تاۋەلسىزدىك» اتادى. سودان بەرى سول «تاۋدەن» تاۋەلسىزدەنۋمەن كەلەمىز. بىراق قازاق شىم-شىمداپ بولسا دا، الاشاعىن الىپ كەلەدى. تاۋەلسىز رۋحانيات بولماسا دا، اتادان قالعان بايلىقتى ءوز قولىمىزبەن، ءوز بايشىكەشتەرىمىزبەن توگىپ-شاشساق تا  - ەگەمەن ەلمىز!
16 سانى. بۇل ءبىر الاشتىڭ تاريحي بەكەتى سەكىلدى سان ەكەن. كەلەسى بەلەستى وسى سانعا توقتاپ الىپ، توريەنى اڭعارۋعا جازعانداي.
ەندى 2011-ءدىڭ 16-سىنان كەيىنگى كەزەڭ قانشاعا سوزىلار ەكەن، تاققا كىم وتىرار ەكەن... تاعى دا بەيمالىم جايت. وپپوزيتسيا دەگەنىمىز - قولدارىنان قۇمانمەن سۋ قۇيۋ كەلمەيتىن، انشەيىن بىرەۋگە وكپەلەگىشتەر بولىپ شىقتى; كونسترۋكتيۆتى وپپوزيتسيا دەگەنىمىز - وكىمەتتىڭ ءوزى ەن سالعان بۇزاۋى ەكەن. سايلاۋ دەگەنىمىز - ءبىر جاعاداعىلاردىڭ كەلەسى جاعانى جايلاپ، ءورىس اۋىستىرۋى ەكەنىن بەك تۇسىندىك. تاڭداي الماي، تاڭداۋى قۇرىعان حالىق دەل-سال. ايتەۋىر، سول باياعى تاعىنان قۇلاعان اق پاتشانىڭ دالباساسى سەكىلدى تىرلىك. ءتىپتى، سول پاتشانىڭ ەلى دە ەسىنەن تانا حالقىن الداپ-سۋلاۋعا ورشەلەنە ارەكەتتەنىپ جاتىر. الەم بىتكەن «سايلاۋ» مەنەن «جايلاۋدان» تۇراتىنداي ارەكەتكە كوشكەن. ونىڭ اراسىن تولتىرىپ تۇرعان تەك قانا داعدارىس پەن جانباعىس.
ەندى نە بولار ەكەن؟
«اباي-اقپارات»

0 پىكىر