سارسەنبى, 29 قاڭتار 2020
جاڭالىقتار 1759 0 پىكىر 28 جەلتوقسان, 2011 ساعات 06:58

جاعانوۆا «رۋحانيات» پارتياسىنان شىعارىلدى – مامبەتالين

الماتى. 28 جەلتوقسان. قازتاگ - ءمادينا ءالىمحانوۆا. «رۋحانيات» پارتياسىنىڭ نەگىزىن قالاۋشى جانە بۇرىنعى باسشىسى التىنشاش جاعانوۆا پارتيا باسشىلىعىنا جالا جاققاندىعى ءۇشىن پارتيادان شىعارىلدى، دەپ «رۋحانيات» پارتياسىنىڭ جەتەكشىسى سەرىكجان مامبەتالين ءمالىم ەتتى.

«كەشە ءبىز شۇعىل ساياسي كەڭەس وتكىزىپ، پارتيامەن بايلانىستى جوعالتقانى ءۇشىن، پارتيا يدەولوگياسىن تەرىسكە شىعارعانى، جانە پارتيا باسشىلىعىنا جالا جاپقانى ءۇشىن التىنشاش جاعانوۆانى «رۋحانيات» پارتياسىنىڭ قاتىرانان شىعارىپ تاستاۋ تۋرالى شەشىم قابىلدادىق. ەرتەڭ ول ماعان ءمور مەن قۇجاتتاردىڭ تۇپنۇسقاسىن بەرۋى ءتيىس»، - دەدى س. مامبەتالين سارسەنبى كۇنگى ءباسپاسوز ءماسليحاتىندا.

ا. جاعانوۆانىڭ بىرقاتار تەلەارنالار ارقىلى كورسەتكەن سوزىنە بايلانىستى «رۋحانيات» پارتياسى مالىمدەمە تاراتىپ، ونىڭ ايتقاندارىن پارتيانى سايلاۋدان الىپ تاستاۋعا باعىتتالعان تاپسىرىس بويىنشا بولىپ وتىرعان ءجايت دەپ اتادى.

«ءبىز ا. جاعانوۆانىڭ «رۋحانيات» پارتياسىن سايلاۋدان الىپ تاستاۋعا باعىتتالعان ارام نيەتتى ارەكەتىن سوگە وتىرىپ، ونى اكىمشىلىك كودەكسىنىڭ 99-1, 100-ءشى باپتارى بويىنشا (سايلاۋالدى ۇگىت-ناسيحات جۇمىستارىنا كەدەرگى كەلتىرۋ جانە ساياسي پارتيا مەن ۇمىتكەرلەر تۋرالى الدىن الا جالعان مالىمەتتەردى تاراتۋ - قازتاگ) سوتقا تارتا الاتىنىمىزدى ءمالىم ەتەمىز»، - دەلىنگەن مالىمدەمەدە.

الماتى. 28 جەلتوقسان. قازتاگ - ءمادينا ءالىمحانوۆا. «رۋحانيات» پارتياسىنىڭ نەگىزىن قالاۋشى جانە بۇرىنعى باسشىسى التىنشاش جاعانوۆا پارتيا باسشىلىعىنا جالا جاققاندىعى ءۇشىن پارتيادان شىعارىلدى، دەپ «رۋحانيات» پارتياسىنىڭ جەتەكشىسى سەرىكجان مامبەتالين ءمالىم ەتتى.

«كەشە ءبىز شۇعىل ساياسي كەڭەس وتكىزىپ، پارتيامەن بايلانىستى جوعالتقانى ءۇشىن، پارتيا يدەولوگياسىن تەرىسكە شىعارعانى، جانە پارتيا باسشىلىعىنا جالا جاپقانى ءۇشىن التىنشاش جاعانوۆانى «رۋحانيات» پارتياسىنىڭ قاتىرانان شىعارىپ تاستاۋ تۋرالى شەشىم قابىلدادىق. ەرتەڭ ول ماعان ءمور مەن قۇجاتتاردىڭ تۇپنۇسقاسىن بەرۋى ءتيىس»، - دەدى س. مامبەتالين سارسەنبى كۇنگى ءباسپاسوز ءماسليحاتىندا.

ا. جاعانوۆانىڭ بىرقاتار تەلەارنالار ارقىلى كورسەتكەن سوزىنە بايلانىستى «رۋحانيات» پارتياسى مالىمدەمە تاراتىپ، ونىڭ ايتقاندارىن پارتيانى سايلاۋدان الىپ تاستاۋعا باعىتتالعان تاپسىرىس بويىنشا بولىپ وتىرعان ءجايت دەپ اتادى.

«ءبىز ا. جاعانوۆانىڭ «رۋحانيات» پارتياسىن سايلاۋدان الىپ تاستاۋعا باعىتتالعان ارام نيەتتى ارەكەتىن سوگە وتىرىپ، ونى اكىمشىلىك كودەكسىنىڭ 99-1, 100-ءشى باپتارى بويىنشا (سايلاۋالدى ۇگىت-ناسيحات جۇمىستارىنا كەدەرگى كەلتىرۋ جانە ساياسي پارتيا مەن ۇمىتكەرلەر تۋرالى الدىن الا جالعان مالىمەتتەردى تاراتۋ - قازتاگ) سوتقا تارتا الاتىنىمىزدى ءمالىم ەتەمىز»، - دەلىنگەن مالىمدەمەدە.

بۇل رەتتە قالىپتاسقان جاعدايدىڭ سەبەبى رەتىندە «رۋحانيات» پارتياسى مەن مۇحتار شاحانوۆتىڭ ءالى تىركەلمەگەن «حالىق رۋحى» پارتياسىنىڭ بىرىگۋى دەپ كورسەتىلگەن.

«بيلىك باسىنداعى كەيبىرەۋلەر «رۋحانيات» پارتياسىن شىنىمەن دە قر پارلامەنت ءماجىلىسىنىڭ مەزگىلىنەن بۇرىن وتەتىن سايلاۋىنا جىبەرمەۋگە شىنداپ كىرىسكەنگە ۇقسايدى. ولاردى الاڭداتىپ وتىرعان ەڭ باستى پروبلەما - 4 جىلدان بەرى تىركەمەي كەلە جاتقان «حالىق رۋحى» پارتياسىنىڭ «رۋحانيات» پارتياسىمەن بىرىگۋى جانە حالىقتىڭ مۇحتار شاحانوۆقا دەگەن سەنىمىنىڭ ۇنەمى ارتىپ وتىرۋىندا»، - دەلىنگەن مالىمدەمەدە.

س. مامبەتاليننىڭ ايتۋىنشا، ول قالىپتاسقان جاعداي تۋرالى حالىقارالىق ۇيىمداردى قۇلاعدار ەتپەكشى.

«بۇگىنگى مالىمدەمە اعىلشىن تىلىنە اۋدارىلدى. ەرتەڭ مەن ەۋرووداق ەلشىسىمەن جانە ەقىۇ ميسسياسىنىڭ وكىلىمەن كەزدەسىپ، سوندا مالىمدەمە جاسايمىن»، - دەدى س. مامبەتالين.

ەسكە سالساق، ا. جاعانوۆا «رۋحانيات» پارتياسىنان پارلامەنت ءماجىلىسىنىڭ دەپۋتاتتىعىنا ۇمىتكەرلەر رەتىندە ۇسىنىلعان پارتيالىق ءتىزىمدى كەرى قايتارۋ كەرەك جانە پارتيا توراعاسىن جاۋاپكەرشىلىككە تارتۋ كەرەك دەپ تالاپ ەتكەن.

ا. جاعانوۆانىڭ ايتۋىنشا، «پارتيانىڭ سەزى لەگيتيمسىز بولىپ، ال وندا ءماجىلىس دەپۋتاتتىعىنا ۇمىتكەرلەر رەتىندە ۇسىنىلعان ءتىزىم زاڭسىز» بولعان.

«سەزد مۇلدەم لەگيتيمسز، رەسپۋبليكالىق كوميتەت، پلەنۋم،  ساياسي اتقارۋ كوميتەتى - ولار بارلىعى 7 ادام، ولاردىڭ 5-ەۋى قاتىسقان جوق. كەزەكتەن تىس سەزد وتكىزۋ تۋرالى شەشىم جارعى بويىنشا مىندەتتى تۇردە پلەنۋمدا قابىلدانۋى ءتيىس. سەزدە ءبىزدىڭ پارتياعا ەش قاتىسى جوق ادامدار وتىردى. ول (مامبەتالين - قازتاگ) ۇمىتكەرلەردى شاتاستىردى»، - دەپ ەسەپتەيدى ول.

سونىمەن قاتار ا. جاعانوۆانىڭ ايتۋىنشا، «جارعى، قۇرىلتايشى قۇجاتتار، ءمور - بارلىعى دا» وندا ساقتاۋلى.

ا. جاعانوۆا باس پروكۋراتۋرا س. مامبەتاليننىڭ ارەكەتىنە قۇقىقتىق باعا بەرۋىن سۇراپ، جاۋاپكەرشىلىككە دەيىن تارتىپ، ءتيىستى شارالار قابىلداۋىن تالاپ ەتۋدە.

قازىر بارلىق قۇجاتتار ا. جاعانوۆانىڭ شاعىمىنا ساي باس پروكۋراتۋراعا تاپسىرىلىپ، سۇراۋلارالىنىپ جاتىر. «رۋحانيات» پارتياسىنداعىلار قازتاگ-قا سەيسەنبى كۇنى بەرگەن تۇسىنىكتەمەسىندە مۇنى «ساياسي تاپسىرىس» دەپ ءتۇسىندىردى. «باز بىرەۋلەرگە ءبىزدىڭ سايلاۋدان شىعىپ قالعانىمىز كەرەك»، - دەدى س. مامبەتالين.

 

0 پىكىر