جۇما, 29 ناۋرىز 2024
3568 0 پىكىر 24 ناۋرىز, 2020 ساعات 19:21

توكيو وليمپياداسى 2021-ءشى جىلعا شەگەرىلدى

COVID-19 پاندەمياسىنا بايلانىستى حالىقارالىق وليمپيادا كوميتەتى جاپونيا ۇكىمەتىمەن كەزدەسۋدەن كەيىن،توكيو وليمپياداسىنىڭ ۋاقىتىن وزگەرتۋ تۋرالى شەشىم قابىلدادى. 

كوروناۆيرۋستىق پاندەمياعا بايلانىستى حالىقارالىق وليمپيادا كوميتەتى (حوك) توكيودا 24 شىلدە مەن 9 تامىز ارالىعىندا وتەتىن وليمپيادانى شامامەن ءبىر جىلعا كەيىنگە قالدىرۋ تۋرالى شەشىم قابىلدادى. شەشىم 24 ناۋرىز، سەيسەنبىدە جاپونيا پرەمەر-ءمينيسترى سيندزو ابە مەن حوك باسشىسى توماس باحتىڭ تەلەفون ارقىلى سويلەسۋىنەن كەيىن قابىلداندى. ابەنىڭ ايتۋىنشا، ول حوك باسشىسىنىڭ بۇل ۇسىنىسىن 100 پايىز قولداعانىن ايتتى.

بۇعان دەيىن گەرمانيا، نورۆەگيا، يسپانيا، جاڭا زەلانديا، اقش، فرانتسيا جانە باسقا ەلدەردىڭ ۇلتتىق وليمپيادالىق كوميتەتتەرى ويىنداردى وتكىزۋدى كەيىنگە قالدىرۋعا شاقىرعان بولاتىن.تەك، گەرمانيا وليمپيادانى وتكىزۋدى قولدادى. نەمىس ساياساتكەرلەرى حوك-تىڭ 2020 جىلعى وليمپيادا ويىندارىنا قاتىستى تاكتيكاسىن سىنعا العان بولاتىن.

23 ناۋرىز، دۇيسەنبىدە كانادا ۇلتتىق وليمپيادا كوميتەتى COVID-19 پاندەمياسىنا بايلانىستى 2020 جىلى ويىنعا ءوز سپورتشىلارىن جىبەرمەيتىنىن مالىمدەگەن.

سونىمەن قاتار، اۆستراليا ۇلتتىق وليمپيادا كوميتەتى سپورتشىلارىنا 2021 جىلدىڭ جازىندا وتەتىن وليمپياداعا دايىندالۋعا كەڭەس بەردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622