وبلىستىق دەنساۋلىق ساقتاۋ باسقارماسى جەتەكشىسىنىڭ ورىنباسارى ۆلاديمير ءليدىڭ سوزىنە سۇيەنگەن Tengrinews سايتىنىڭ جازۋىنشا، ۇشقىش جەرگىلىكتى اۋرۋحانانىڭ تراۆموتولوگيا بولىمىنە جاتقىزىلعان، ال قالعان تورتەۋىن دارىگەرلەر ۇيلەرىنە قايتارعان. دارىگەرلەر ولاردىڭ كىشىگىرىم جاراقات العانىن، ومىرىنە قاۋىپ جوق ەكەنىن ايتقان.

قازاقستاننىڭ اۆياتسيا بيلىگى وكىلدەرىنىڭ ايتۋىنشا، جەرگىلىكتى "ورلان 2000" اۋە كومپانياسىنا تيەسىلى ان-2 ۇشاعى سانيتارلىق تاپسىرما بويىنشا وسكەمەننەن اقسۋاتقا ۇشقان. جەرگىلىكتى ۋاقىت بويىنشا ساعات 12:50-دە "دۆيگاتەلدەن اقاۋ شىققانىن" حابارلاعان.

ازاماتتىق اۆياتسيا كوميتەتىنىڭ دەرەگىنشە، اۋە كەمەسى وسكەمەن اۋەجايىنان 1,5 شاقىرىم قاشىقتىقتاعى اۋماققا قونۋعا ءماجبۇر بولعان. ونىڭ بورتىندا ءۇش ەكيپاج مۇشەسى، ەكى جولاۋشى بولعان.

ىشكى ىستەر مينيسترلىگىنىڭ توتەنشە جاعداي كوميتەتى ۇشاقتىڭ دۆيگاتەلى ورتەنگەنىن حابارلادى.

Abai.kz