سەنبى, 28 ناۋرىز 2020
540 2 پىكىر 22 اقپان, 2020 ساعات 17:12

دارحان كالەتاەۆ قازاقستاننىڭ ۋكرايناداعى ەلشىسى قىزمەتىنە تاعايىندالدى

دارحان كالەتاەۆ قازاقستاننىڭ ۋكرايناداعى ەلشىسى قىزمەتىنە تاعايىندالدى. پرەزيدەنت جارلىعى اقوردا سايتىندا جاريا بولدى. 

"دارحان امانۇلى كالەتاەۆ قازاقستان رەسپۋبليكاسىنىڭ ۋكرايناداعى توتەنشە جانە وكىلەتتى ەلشىسى قىزمەتىنە تاعايىندالدى", - دەلىنگەن جارلىقتا.

ال وسىعان دەيىن قازاقستاننىڭ ۋكراينا مەن مولدوۆاداعى ەلشىسى بولعان سامات ورداباەۆ قىزمەتىنەن بوساتىلدى.

دارحان كالەتاەۆ بۇعان دەيىن 2019 جىلدىڭ ناۋرىز-جەلتوقسان ايلارىندا پرەزيدەنت اكىمشىلىگى جەتەكشىسىنىڭ ورىنباسارى قىزمەتىن اتقارعان.

2008-2009 جىلدارى "نۇر وتان" پارتياسى توراعاسىنىڭ ءبىرىنشى ورىنباسارى بولعان. 2016 جىلى سەنات دەپۋتاتى بولىپ تاعايىندالدى.  2018 جىلى قر ءدىن ىستەرى جانە ازاماتتىق قوعام ءمينيسترى بولدى. كەيىن قر قوعامدىق دامۋ ءمينيسترى بولىپ تاعايىندالدى.

2019 جىلى ناۋرىزدا قر پرەمەر-ءمينيسترىنىڭ كانتسەلاريىن باسقاردى. ال 2019 جىلدىڭ ناۋرىز-جەلتوقسان ايلارىندا پرەزيدەنت اكىمشىلىگى جەتەكشىسىنىڭ ورىنباسارى قىزمەتىن اتقاردى.

Abai.kz

2 پىكىر