جۇما, 29 ناۋرىز 2024
3232 2 پىكىر 13 اقپان, 2020 ساعات 11:07

ەردوعان رەسەيدى سيرياداعى بەيبىت تۇرعىندارعا وق جاۋدىردى دەپ ايىپتادى

تۇركيا پرەزيدەنتى رەجەپ ەردوعان رەسەيدى يدليب پروۆينتسياسىنداعى بەيبىت ازاماتتارعا وق جاۋدىرىپ جاتىر دەپ ايىپتادى. ول تۇرىك اسكەرىنە شابۋىل جاساعان جاعدايدا، سيريا ۇكىمەتى اسكەرىنە قارسى شابۋىلعا شىعاتىنىن ەسكەرتتى.

رەسەيدىڭ قورعانىس مينيسترلىگى ەردوعاننىڭ مالىمەتى شىندىققا جاناسپايدى دەپ مالىمدەدى. رەسەي مالىمەتى بويىنشا، سيرياداعى تەرروريستوك توپتار بەيبىت تۇرعىنداردى "قالقان" رەتىندە پايدالانىپ جاتىر.

اپتا باسىندا تۇركيانىڭ يدليبتەگى باقىلاۋ بەكەتىنە شابۋىل جاسالعان. وننان استام تۇرىك ساربازى قازا تاپقان. انكارا ماسكەۋدى سيريا پرەزيدەنتى باشار اسادقا ىقپال ەتۋدى سۇراعان.

تۇرىك جانە سيريالىق باق اقش ارمياسى مەن باشار اساد ارمياسىنىڭ قاقتىعىسىپ قالعانىن جازدى. بىر بەيبىت تۇرعىن قازا تاپقان. راستالماعان اقپاراتقا قاراعاندا، سيريا اسكەرى امەريكالىق ساربازداردى توقتاتىپ، اۋەگە وق اتقان. اقش اسكەرى دە جاۋاپ بەرگەن. ناتيجەسىندە ءبىر ادام قازا تاپقان. وسىدان كەيىن امەريكالىق اسكەري ۇشاعى ءبىر رەت سوققى بەرگەن.

Reuters اگەنتتىگىنىڭ جازۋىنشا، اقش كواليتسياسى جانجال تۋىنداعانىن راستاعان. بۇل وقيعاعا بايلانىستى تەكسەرۋ ءجۇرىپ جاتقانىن مالىمدەگەن.

سيريا ۇكىمەتىنىڭ ارمياسى بىرنەشە اپتادان بەرى يدليبتە قارۋلى وپپوزيتسيالىق كۇشكە قارسى سوعىس جۇرگىزىپ جاتىر.

2014 جىلى سيريادا تەرروريستىك توپتارعا قارسى اقش جەتەكشىلىك ەتەتىن حالىقارالىق كواليتسيا كۇرەس باستالعان. بۇل كواليتسيا سيرياداعى دەموكراتيالىق وپپوزيتسيالىق كۇشكە قولداۋ كورسەتەدى. ال رەسەي اسكەرى 2015 جىلدىڭ قىركۇيەگىندە سيرياعا كىردى. كواليتسيا ماسكەۋدى باشار اساد رەجيمىن قولدايدى دەپ ايىپتايدى. ال باتىس ەلدەرى باشار اساد ادام قۇقىقتارىن جاپپاي بۇزىپ وتىر دەپ ايىپتاپ كەلەدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555