بەيسەنبى, 28 ناۋرىز 2024
اپات 2793 3 پىكىر 29 قاڭتار, 2020 ساعات 11:04

بەك ەير ۇشاعىنىڭ ەكىنشى ۇشقىشى قايتىس بولدى

وتكەندە الماتى ماڭىندا اپاتقا ۇشىراعان بەك ەير اۋە كومپانياسىنا تيەسىلى ۇشاقتىڭ ەكىنشى ۇشقىشى قايتىس بولدى. بۇل اقپاراتتى الماتى قالالىق دەنساۋلىق ساقتاۋ باسقارماسى راستاعان.

باسقارما اقپاراتىنا سۇيەنسەك، ۇشقىشتىڭ دەنساۋلىعى قالىپتى بولعان سوڭ، 21 قاڭتاردا ۇيگە شىعارىلعان. ول الماتىداعى №4 امبۋلاتوريالىق اۋرۋحانادا، كارديولوگ، حيرۋرگ، تەراپەۆت پەن پسيحولوگتىڭ باقىلاۋىندا بولعان.

ال كەشە دەنساۋلىعى كۇرت ناشارلاپ، جەدەل جاردەم شاقىرعان. جەدەل جاردەم قىزمەتكەرلەرى جۇرەك سوعىسىن قايتا قالپىنا كەلتىرۋ ءۇشىن رەانيماتسيالىق شارالار جاساعان. الايدا ناتيجە بولماعان.

مەيىرجان مولداقۇلوۆ اپاتتان اۋىر دەنە جاراقاتىن الىپ، الماتىداعى №4 كلينيكالىق اۋرۋحاناعا جاتقىزىلعان. وندا ۇشقىشقا بىرنەشە وتا جاسالدى. سونىڭ ىشىندە بەل ومىرتقاسىنا دا. 5 قاڭتاردا ەكىنشى پيلوتتىڭ ەس جيعانى جانە جانساقتاۋ بولىمىنەن پروفيل بولىمىنە اۋىستىرىلعانى حابارلانعان.

Bek Air ۇشاعى اپاتى: ەكىنشى ۇشقىش قايتىس بولدى - Bek Air اۋەكومپانياسىنىڭ اپاتقا ۇشىراعان ۇشاعىنىڭ ەكىنشى پيلوتى مەيىرجان مولداقۇلوۆ

مەيىرجان مولداقۇلوۆ 1965 جىلى 4 مامىردا دۇيەگە كەلگەن. 2019 جىلدىڭ جەلتوقسانىندا اپاتقا ۇشىراعان Fokker 100 ۇشاعىنىڭ ەكىنشى ۇشقىسى. جالپى ۇشۋ ءوتىلى 11 544 ساعات. ونىڭ 4144 ساعاتى ءدال وسى Fokker 100 ۇشاعىندا وتكەن.

2019 جىلدىڭ 27 جەلتوقسانىندا الماتىدان نۇر-سۇلتانعا ۇشىپ شىققان بەك ەير ۇشاعى اپاتقا ۇشىرادى. لاينەر اۋەگە كوتەرىلۋ بارىسىندا اۋەجايعا جاقىن ماڭداعى تۇرعىن ۇيگە سوعىلعان. ۇشاق بورتىندا 93 جولاۋشى جانە 5 ەكيپاج مۇشەسى بولعان. اپاتتان 12 ادام قازا تاۋىپ، 49-ى جاراقات الدى. ونىڭ ىشىندە اۋە كەمەسىنىڭ كومانديرى مارات مۇراتباەۆ وقيعا ورنىندا قازا تاپقان.

پرەزيدەنت ۇكىمەتكە شۇعىل تاپسىرما بەرىپ، ۇكىمەت كوميسسيا قۇردى. ال 28 جەلتوقسان قارالى كۇن دەپ جاريالاندى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3520