بەيسەنبى, 28 ناۋرىز 2024
46 - ءسوز 5248 30 پىكىر 28 قاڭتار, 2020 ساعات 10:53

ءبىز 30 جىلىمىزدى ءولتىرىپ الدىق...

وسى كىتاپتى وقۋ بارىسىندا باسىما مىڭ-ميلليون وي كەلدى دەسەم ارتىق ايتپاعاندىق بولار. سول ويلارمەن قاتار سونشالىقتى زاڭدى سۇراقتار دا تۋىنداپ جاتتى. سول سۇراقتاردىڭ ءبىرازىنا ءوز بىلگەنىمشە جاۋاپ تاۋىپ جاتتىم. بىلمەگەندەرىمدى بىلگەندەردەن سۇراپ جاتتىم، بىراق ەڭ نەگىزگى دەگەن سۇراقتارعا جاۋاپ بارىبىر تابىلمادى. ال ولاردىڭ ءبىر شوعىرى مىنالار ەدى:

1) الەمدەگى قازبا بايلىققا تولى بىرەگەي مەملەكەت بولا تۇرا نەگە وسىنشاما تۇرالاپ قالدىق؟

2) 18 اق ميلليون حالىقتى نەگە اۋزى مۇرنىنان شىققان باي جاساماساق تا، قاراپايىم ءبىر پاتەرى بار، 10 سوتىق جەرى بار، كولىگى ارمەنيالىق ەمەس جاساي المادىق؟

3) سسسر دىڭ فۋندامەنتالدى ءبىلىم جۇيەسىن ەنشىلەپ قالعان ەلىمىز، تاۋەلسىزدىك جىلدارى قالاي جاپپاي ساناسىزدىققا، توعىشارلىققا، ناداندىققا ۇرىندىق؟

4) ەڭ قاراپايىم ءھام ەڭ قيىن سۇراقتىڭ ءبىرى: مۇناي 150$ بولعاندا بەنزين 75 تەڭگە دە، مۇناي 50$ بولعاندا بەنزين نەگە 170₸؟
نەگە 30 جىلدىق تاۋەلسىزدىك ىشىندە ەڭ بولماسا ءبىر ءموز
(مۇناي ءوندىرۋ زاۋىتى) سالا المادىق؟

5) كەڭەستىك ءجۇيى باس اياعى 20 جىلدىڭ ىشىندە 300 ميلليونعا جۋىق ەلدى تولىق ساۋاتتى قىلىپ شىعارسا، ءبىز 30 جىلدىڭ ىشىندە ساۋاتتى، جوعارى ءبىلىمدى از عانا ءوز قازاعىمىزدى قازاقشا سويلەتە الماي، ءا.بوكەيحاننىڭ 100 جىل بۇرىن كوتەرگەن قازاق ءتىلىنىڭ جاعدايىن تۇزەي المادىق؟

6) نەگە ءار سالادا دەڭگەيسىز، ءتىپتى ساۋاتسىز باسشىلار بيلىك تىزگىنىن الدى؟ نەگە ءوز ءىسىنىڭ شەبەر مامانى تەنتىرەپ بوس جۇرەتىن، ال ورتاڭقول مامان جۇمىسپەن قامتىلاتىن جاعدايعا جەتتىك؟

7) جانە ەڭ نەگىزگى سۇراعىم، نە دەگەن مادەنيەتتەن جۇرداي ەل بولدىق؟ نە ءدىني، نە ادەبي، نە ادامي مادەنيەت قالماعان جابايىلارعا قالاي اينالىپ شىعا كەلدىك؟

سۇراق ءتىپتى كوپ. بىراق وسىمەن شەكتەلە تۇرايىن. وسىلارعا ماردىمدى جاۋاپ ەستىسەم دە شۇكىر ەتەر ەم.

مەنىڭ ءبىر تۇسىنگەنىم، ءبىزدىڭ ەلدەن شوقاندار، ءاليحاندار، احمەتتەر، دىنمۇحامەدتتەر، جۇمابەكتەر، التىنبەكتەر شىقسا شىققان شىعار. بىراق ەندى جاقىن ارادا شىعا قويادى دەگەنگە سەنە المايمىن. ءبىزدىڭ لي كۋان ءيۋىمىزدىڭ ءتۇرى اناۋ. ءبىزدىڭ تەتچەرىمىزدىڭ ءتۇرى مىناۋ... جىلاعىم كەلەدى.

نەگە سەنبەيتىنىمدى ايتا كەتەيىن. 31-33 جىلدارداعى وراسان زور شىعىننىڭ زاردابىن ەندى كورىپ جاتقانىمىزداي، 37 جىلعى "قايماقتان" ايىرىلۋ زاردابى قازىرگى تەكسىزدىككە ۇلاسقانى سەكىلدى، 1990- 2010 جىلدار اراسىنداعى قياناتتىڭ زاردابى كەيىن شىعادى. باتپانداپ تۇرىپ شىعادى ءالى. ول عىلىم مەن ءبىلىم، ادەبيەت پەن مادەنيەت، ار مەن وجدان تبب-لاردىڭ بارىنەن كورىنىس تابادى.

50 جىلدا ەل جاڭارۋى كەرەك ەدى، ال ءجۇز جىلدا قازان! بىراق وكىنىشكە وراي ءبىز 30 جىلىمىزدى ءولتىرىپ الدىق. قۇي كەلىس، قۇي كەلىسپە، اقيقات وسى.

استانانىڭ قار باسقان كوشەسىنە، قالاي بولسا سولاي قويىلعان اۋلاداعى كولىكتەرگە تەرەزەدەن قاراپ تۇرىپ ەلدەن بەزىپ كەتكىم كەلدى. اقىرى ءوز ءىسىنىڭ مامانى ەدى، وسىنى جۇمىسسىز قالدىرمايىقشى دەگەن ادامدى دا قوعامدى دا كورمەدىم.

نارتاي ساۋدانبەكۇلىنىڭ الەۋمەتتىك جەلىدەگى جازباسىنان

Abai.kz

30 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530