جۇما, 29 ناۋرىز 2024
ەل ءىشى... 4242 15 پىكىر 27 قاڭتار, 2020 ساعات 16:40

«ۇرىلار قاشان دا بولعان، ءالى دە بولا بەرەدى»

الماتىدا دەپۋتات تونالدى. ۇرىلار پارلامەنت ءماجىلىسى قارجى جانە بيۋدجەت كوميتەتىنىڭ مۇشەسى يرينا سميرنوۆانىڭ كولىگىنە شابۋىل جاساعان. ال، دەپۋتات جانايقايىن الەۋمەتتىك جەلىدەگى پاراقشاسىندا جازىپتى.

ولار دەپۋتات كولىگىنىڭ تەرەزەسىن شاعىپ، ىشىندەگى سومكەنى الىپ كەتكەن. ابىروي بولعاندا، سومكەدە اسا باعالى ەشتەڭە بولماپتى.

قۇجاتتارىم وزىممەن بىرگەن جۇرەتىن كىشكەنتاي سومكەدە بولاتىن. قۇندى زاتتارىمنان ايىرىلماسام دا، جامان بولىپ قالدىم. پوليتسيا شاقىرعىم كەلمەگەن، ويتكەنى ولاردىڭ ۇرىنى تاۋىپ بەرەتىنىنە مەن دە سەنبەيمىن. بىراق جانىمدا بولعاندار پوليتسيا شاقىرۋ كەرەك دەگەن كەڭەس بەردى. پوليتسەيلەر تەز كەلدى. بىراق كەلە سالىپ ايتقان ءسوزى مەنى ەسەڭگىرەتىپ تاستادى: “نەسىنە الاڭدايسىز؟ ۇرىلار قاشان دا بولعان، ءالى دە بولا بەرەدى. نەعىل دەيسىز ەندى؟”، دەپ قاراپ تۇردى، – دەپ جازدى يرينا سميرنوۆا.

ايتا كەتەيىك، يرينا سميرنوۆا 2016 جىلى "حالىق كوممۋنيستەرى" پارتياسىنىڭ اتىنان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولىپ سايلانعان. بيولوگيا ءپانىنىڭ مۇعالىمى ماماندىعىن العان دەپۋتات حانىم، شەنەۋنىك بولعانعا دەيىن بىرنەشە مەكتەپتىڭ ديرەكتورى قىزمەتىن اتقارعان.

ايتپاقشى، سميرنوۆا وسىدان ءۇش جىل بۇرىن لاتىن قارپى تۋرالى ەلباسى ۇندەۋىنە پىكىر ءبىلدىرىپتى. وندا كومۋنيست-دەپۋتات قازاقستاننىڭ ورىس الەمىنەن الىستايتىنىنا وكىنىش ءبىلدىرىپ، “تاكيم وبرازوم كازاحستان دالشە ۋحوديت وت رۋسسكوگو ميرا. پوتومۋ چتو كيريلليتسا ۋحوديت ي ەتوت الفاۆيت بۋدەت پوتەريان دليا سلەدۋيۋششەە پوكولەنيە. منە ەتو پەچالنو” دەگەن. ونىڭ بۇل ءسوزىن قازاقشالاساق: «مىنا بەتىمەن قازاقستان ورىس الەمىنەن جىراقتايدى. سەبەبى كيريلليتسا كەتەدى، سودان كەيىن كەلەسى ۇرپاق ءۇشىن بۇل الفاۆيت مۇلدە جوعالادى. مەن ءۇشىن بۇل وكىنىشتى جايت».

سميرنوۆانىڭ ءومىربايانىنا قاراساڭىز قىرعىزستاندا تۋىپ، قازاقستاندا ءبىلىم العان. ەلىمىزدەگى بىرنەشە ءبىلىم ورداسىندا ەڭبەك ەتكەن. اقىرى دەپۋتات بولعان. بىراق، قايدا جۇرسە دە ءبارىبىر تاۋەلسىز قازاق قوعامىن ورىس الەمىنەن بولە جارعىسى كەلمەيدى ەكەن. وسىدان سوڭ، كومۋنيستكە قانشا جاقسىلىق جاساسا دا "ورىس الەمىنە" قاراپ "ۇليتىنىنا" تاڭ قالاسىز.

ودان بولەك، سميرنوۆا ۇستازداردى ۇبت ۇيىمداستىرۋعا ارالاستىرماۋ جونىندە، ەكىنشى دەڭگەيلى بانكتەردەن بيزنەس اشۋ ءۇشىن نەسيە الىپ، تولەي الماعان بورىشكەرلەردىڭ ماسەلەسىن كوتەرىپتى.

ءتۇيىن. سونىمەن، دەپۋتاتتىڭ كولگى تونالدى. انىعىنا كەلگەندە، بۇل كولىك توناۋعا قاتىستى العاشقى وقيعا ەمەس. بۇعان دەيىن دە وسىنداي وقيعالار بولعان. قۇقىق قورعاۋشىلار مۇنداي قىلمىسقا كوبىنە جۇمىسى جوقتار باراتىنىن ايتادى. ماسەلەن، وتكەن جىلى كولىككە شابۋىل جاساعان 165 ادامنىڭ 163 ءى جۇمىسسىز بولعان دەيدى قۇزىرلى ورگاندار. ەندى دەپۋتات سميرنوۆا حالىق قالاۋلىسى رەتىندە بۇل وقيعاعا الەۋمەتتىك ماڭىز بەرىپ، باسقا قىرىنان قاراپ كورسە دەيمىز.

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616