جۇما, 29 ناۋرىز 2024
قۇيىلسىن كوشىڭ 5662 15 پىكىر 23 قاڭتار, 2020 ساعات 14:27

بىلتىر 17 مىڭنان استام قانداس كوشىپ كەلدى

2019 جىلى 17 661 ەتنيكالىق قازاق نەمەسە 9 993 وتباسى تاريحي وتانىنا ورالدى جانە ورالمان مارتەبەسىنە يە بولدى. ورالمانداردىڭ كوپشىلىگى قىتايدان – 41,5% (7 326 ادام), وزبەكستاننان – 40,1% (7 074 ادام), تۇركمەنستاننان – 6,5% (1 152 ادام), مونعوليادان – 6,2% (1 095 ادام), رەسەيدەن – 1,8% (313 ادام), 3,9% (701 ادام) باسقا ەلدەردەن كەلدى.

ورالمانداردىڭ باسىم كوپشىلىگى الماتى – 38%، ماڭعىستاۋ – 14% وبلىستارىنا، شىمكەنت – 7% جانە نۇر-سۇلتان – 6% قالالارىنا قونىستاندى.

كەلگەن ورالمانداردىڭ جالپى سانىنان ەڭبەككە جارامدى جاستاعى ادامدار 62,7%-دى (11 082 ادام), ەڭبەككە قابىلەتتى جاستاعىلار – 30,7%-دى (5 420 ادام), زەينەتكەرلەر – 6,6%-دى (1 159 ادام) قۇرايدى.

ەڭبەككە جارامدى جاستاعى ورالمانداردىڭ ىشىنەن ءبىلىم دەڭگەيى بويىنشا 13,6% – ى جوعارى ءبىلىمدى، 25,2%-ى – ورتا ارناۋلى ءبىلىمدى، 46,7%-ى – جالپى ورتا ءبىلىمدى، 14,5%-نىڭ ءبىلىمى جوق.

2019 جىلعا قر ۇكىمەتى 2 031 ورالمانداردى قابىلداۋدىڭ وڭىرلىك كۆوتاسىن بەكىتتى، ول مىناداي تۇردە ءبولىندى: قوستاناي وبلىسى بويىنشا – 815, پاۆلودار وبلىسى بويىنشا – 550, اقمولا وبلىسى بويىنشا – 306 ادام، شىعىس قازاقستان وبلىسى بويىنشا-250, سولتۇستىك قازاقستان وبلىسى بويىنشا – 110 ادام.

ورالمانداردى قابىلداۋدىڭ وڭىرلىك كۆوتاسىنا ەنگىزىلگەن ادامدارعا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىن ىسكە اسىرۋ شەڭبەرىندە سۋبسيديا بەرۋ تۇرىندە قولداۋ كورسەتىلدى: كوشۋگە – وتباسىنىڭ ءاربىر مۇشەسىنە 35 اەك (84,2 مىڭ تەڭگە) بىرجولعى تولەم; تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە تولەۋ بويىنشا شىعىستاردى جابۋ ءۇشىن 12 اي بويى وتباسىنا 15-تەن 30 اەك (36,1-دەن 72,2 مىڭ تەڭگە).

ەستەرىڭىزگە سالا كەتەيىك، 1991 جىلدان 2020 جىلعى 1 قاڭتارعا دەيىن 313 256 وتباسى نەمەسە 1 057 280 ەتنيكالىق قازاق تاريحي وتانىنا ورالىپ، ورالمان مارتەبەسىن العان بولاتىن.

قر ەڭبەك جانە حالىقتى الەۋمەتتىك قورعاۋ مينيسترلىگى

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563