- مالدىڭ جاپپاي ەكسپورتتالۋى ەت باعاسىن ءوسىردى. شيكىزات تاپشىلىعىنان قازاقستاننىڭ ەت كاسىپورىندارى مەن بورداقىلاۋ الاڭدارى تولىق جۇمىس ىستەي المادى،- دەپ مالىمدەيدى مينيسترلىك.

مينيسترلىك ماعلۇماتىنا قاراعاندا، 2019 جىلى قازاقستاننان شەتەلگە 156 مىڭ سيىر شىعارىلعان. ونىڭ 121,6 مىڭى نەمەسە 78%-ى وزبەكستانعا، 14%-ى ارمەنياعا ەكسپورتتالعان.

قازاقستاننان ەكسپورتتالعان 264 مىڭ قويدىڭ جارتىسىنان استامى - انالىق. ونىڭ 200 مىڭنان استامى (76%) وزبەكستانعا، 21,5 مىڭى (8,1%) رەسەيگە، 18 مىڭى (6,7%) ازەربايجانعا، شامامەن 12 مىڭى (4,5%) يرانعا جىبەرىلگەن.

اۋىل شارۋاشىلىعى مينيسترلىگى مال ەكسپورتىنا تىيىمدى اگرو ونەركاسىپ كەشەنىن دامىتۋدىڭ 2017 - 2021 جىلدارعا ارنالعان مەملەكەتتىك باعدارلاماسىمەن بايلانىستىرادى. بۇل باعدارلاما بويىنشا قايتا وڭدەلگەن ءونىم ەكسپورتى 2,5 ەسەگە ۇلعايۋى ءتيىس.

مينيسترلىك "تاياۋ جىلدارى مالدى ساقتاپ، كوبەيتۋ - وتاندىق ەت كومبيناتتارىن قولايلى باعامەن ساپالى شيكىزاتپەن قامتاماسىز ەتۋگە جانە وڭدەلگەن ءونىم ءوندىرىسى مەن ەكسپورتىن ارتتىرۋعا مۇمكىندىك بەرەدى" دەپ سانايدى.

Abai.kz