بەيسەنبى, 28 ناۋرىز 2024
بيلىك 2449 0 پىكىر 17 قاڭتار, 2020 ساعات 10:23

مەملەكەت باسشىسى دجانلۋكا ەسپوزيتونى قابىلدادى

مەملەكەت باسشىسى قاسىم-جومارت توقاەۆ سىبايلاس جەمقورلىققا قارسى مەملەكەتتەر توبىنىڭ اتقارۋشى حاتشىسى دجانلۋكا ەسپوزيتونى قابىلدادى.

كەزدەسۋ بارىسىندا قازاقستاننىڭ سىبايلاس جەمقورلىققا قارسى مەملەكەتتەر توبىنا مۇشە بولىپ كىرۋ ماسەلەسى، سونداي-اق، ەۋروپا كەڭەسىمەن ىقپالداستىعىنىڭ پەرسپەكتيۆالارى تۋرالى تالقىلاندى.

قاسىم-جومارت توقاەۆ سىبايلاس جەمقورلىققا قارسى مەملەكەتتەر توبىنا كىرۋگە كورسەتىپ جاتقان قولداۋى ءۇشىن ەۋروپا كەڭەسىنە ريزاشىلىعىن ءبىلدىرىپ، سىبايلاس جەمقورلىققا قارسى ءىس-قيمىلدا حالىقارالىق ۇيىممەن ىنتىماقتاستىقتىڭ ماڭىزدىلىعىن اتاپ ءوتتى.

– ءبىز اتالعان ۇيىمنىڭ قىزمەتىنە اتسالىسۋعا وتە مۇددەلىمىز. بۇل ءبىزدىڭ سىبايلاس جەمقورلىققا قارسى جۇمىسىمىزعا، سونىمەن قاتار، ەل دامۋىنا كەرى اسەر ەتەتىن باسقا دا ماسەلەلەردىڭ شەشىلۋىنە تىڭ سەرپىن بەرەدى دەپ سەنەمىز، – دەدى قاسىم-جومارت توقاەۆ.

دجانلۋكا ەسپوزيتو قازاقستان مەن سىبايلاس جەمقورلىققا قارسى مەملەكەتتەر توبىنىڭ ىنتىماقتاستىعى ەكى تاراپقا دا ءتيىمدى بولاتىنىن ايتتى.

– قازاقستاننىڭ سىبايلاس جەمقورلىققا قارسى مەملەكەتتەر توبىنا مۇشە بولۋى جەمقورلىقپەن كۇرەستىڭ پرينتسيپتەرى مەن تەتىكتەرىن جەتىلدىرۋ ىسىنە عانا ەمەس، سونداي-اق، بيزنەس-احۋالدى جاقسارتۋعا، مەملەكەتتىك قىزمەت كورسەتۋ جۇمىسىن جانداندىرۋعا دا سەپتىگىن تيگىزەدى، – دەدى ۇيىمنىڭ اتقارۋشى حاتشىسى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530