جۇما, 29 ناۋرىز 2024
بيلىك 2343 0 پىكىر 15 قاڭتار, 2020 ساعات 10:30

مەملەكەت باسشىسى باقىت سۇلتانوۆتى قابىلدادى

قازاقستان پرەزيدەنتى قاسىم-جومارت توقاەۆ ساۋدا جانە ينتەگراتسيا ءمينيسترى باقىت سۇلتانوۆتى قابىلدادى.

باقىت سۇلتانوۆ مەملەكەت باسشىسىنا ىشكى جانە سىرتقى ساۋدانى دامىتۋ، ەكسپورتقا شىعارۋشىلاردى قولداۋ، ينتەگراتسيالىق ۇدەرىستەر، ىشكى نارىقتى كونترافاكتىلىك ونىمنەن قورعاۋ سياقتى مينيسترلىك قىزمەتىنىڭ نەگىزگى باعىتتارى بويىنشا اتقارىلعان جۇمىستارىنىڭ قورىتىندىلارى تۋرالى باياندادى.

مينيستر پرەزيدەنتكە باعانى بەلگىلەۋ، الەۋمەتتىك ماڭىزى بار ازىق-تۇلىك باعالارىن تۇراقتاندىرۋ ماسەلەلەرى ۆەدومستۆونىڭ ەرەكشە نازارىندا ەكەنىن جەتكىزدى. ورتالىق جانە جەرگىلىكتى اتقارۋشى ورگانداردىڭ مىندەتتەرىن انىقتايتىن جول كارتاسىنىڭ جوباسى ازىرلەندى.

جالپى مينيسترلىك جۇمىسىنا وڭ باعا بەرگەن قاسىم-جومارت توقاەۆ باقىت سۇلتانوۆقا ىشكى نارىقتى وتاندىق تاۋارلارمەن تولتىرۋ، الەۋمەتتىك ماڭىزى بار ازىق-تۇلىك باعالارىن تۇراقتاندىرۋ، باعانىڭ نەگىزسىز ءوسۋى مەن دەلدالدىق ارەكەتتەردى بولدىرماۋ جانە قازاقستاندىق تاۋار وندىرۋشىلەردىڭ ءونىمى تۇتىنۋشىلارعا قولجەتىمدى بولۋ ءۇشىن ناقتى تاپسىرمالار بەردى. ەۋرازيالىق ەكونوميكالىق وداق اياسىنداعى ينتەگراتسيالىق ۇدەرىستەردە وداقتاعى سەرىكتەستەرمەن سىندارلى ءىس-قيمىلدار جۇرگىزۋ ارقىلى مەملەكەتتىڭ ۇستانىمىن نىعايتۋ – مينيسترلىكتىڭ الدىندا تۇرعان ماڭىزدى مىندەت.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3549