بەيسەنبى, 28 ناۋرىز 2024
2981 3 پىكىر 13 قاڭتار, 2020 ساعات 15:03

ەۇۋ دا "اباي جولىن" وقۋدان مارافون باستالدى

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە مۇحتار اۋەزوۆتىڭ "اباي جولى" ەپوپەياسىن وقۋعا ارنالعان ادەبي مارافون باستالدى. بۇل تۋرالى اقىننىڭ مەرەيتويى اياسىندا ۋنيۆەرسيتەتتە وتكەن ء"بىز اباي جولىندامىز" اتتى جيىندا ايتىلعان. 

-شارادا ەۇۋ جاراتىلىستانۋ عىلىمدارى فاكۋلتەتىنىڭ 3-كۋرس ستۋدەنتى، "Qamqor" ەرىكتىلەر قوزعالىسىنىڭ مۇشەسى ديانا سايلاۋباەۆا ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆقا ۇسىنىس جاساپ، مۇحتار اۋەزوۆتىڭ «اباي جولى» ەپوپەياسىنان ءۇزىندى وقۋدى ءوتىندى. رەكتور ەرلان ءباتتاشۇلى ستۋدەنت ۇسىنىسىن قابىل الىپ، ادەبي مارافوندى ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆ پەن الەمگە تانىمال ءانشى ديماش قۇدايبەرگەنوۆكە، قر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ كوميتەتىنىڭ توراعاسى، وليمپيادا چەمپيونى سەرىك ساپيەۆكە جولدادى, - دەپ حابارلادى ۋنيۆەرسيتەتتىڭ ءباسپاسوز قىزمەتى.

اۋقىمدى مارافونعا ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جيىرما مىڭنان اسا ستۋدەنتتەرى مەن ەكى مىڭعا جۋىق پروفەسسور-وقىتۋشىلارى جانە سالا قىزمەتكەرلەرى قوسىلعان.

-سونداي-اق، بۇل شاراعا ءبىزدىڭ قازاقستاننىڭ ەڭ الىس تۇكپىرىندەگى وقىرماندار مەن شەتەلدە تۇراتىن قانداستارىمىز دا بەلسەنە قاتىسادى دەگەن سەنىمدەمىز, - دەيدى ۋنيۆەرسيتەت وكىلدەرى.

Abai.kz

 

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531