كورەيادا سوت 7 جاسار بالانى كولىكپەن قاعىپ كەتكەن قازاقستاندىق ازاماتقا ۇكىم شىعاردى.

سوت ونى ەكى جارىم جىلعا باس بوستاندىعىنان ايىردى. بالانىڭ اتا-اناسى سوتتالۋشىعا كەشىرىم جاساعان جوق. ولاردىڭ ايتۋىنشا، ەم-دومعا 60 ميلليوننان استام ۆون جۇمساعان، بۇل شامامەن 50 مىڭ دوللار. سونداي-اق بالاسىنا كۇتىم جاساۋ ءۇشىن اكەسى مەن اناسى جۇمىسىن تاستاۋعا ءماجبۇر بولدى.

ەسكە سالا كەتسەك، جول اپاتى بىلتىر 16 قىركۇيەكتە بولعان ەدى. كورەيادا زاڭسىز جۇرگەن جانە كولىك جۇرگىزۋ كۋالىگى بولماعان وتانداسىمىز اپات ورنىنان قاشىپ كەتىپ، كەلەسى كۇنى ەلدەن ۇشىپ كەتكەن بولاتىن. ونىڭ ادۆوكاتى چوي حاك سە شىعارىلعان ۇكىمدى ادەلىتسىز دەپ سانايدى. ايتۋىنشا، بالا جولدى رۇقسات ەتىلمەگەن جەردەن وتكەنى دالەلدەندى. سونداي-اق سوتتالۋشى كولىكتى توقتاتىپ، بالاعا كومەك كورسەتىلىپ جاتقانىنا كوزى جەتكەننەن كەيىن عانا ءجۇرىپ كەتكەن.

چوي حاك سە، سوتتالۋشىنىڭ ادۆوكاتى:

– ءبىز اپەللياتسيا بەرىپ، جابىرلەنۋشى جاقپەن كەلىسۋگە نيەتتىمىز. بالكىم بالانىڭ دەنساۋلىعى قالپىنا كەلسە، اتا-اناسى ءوز شەشىمىن وزگەرتەر. قورعالۋشىم جابىرلەنۋشىنىڭ ەمگە جۇمساعان شىعىنىن وتە المايدى، ويتكەنى بۇل وزگەنى ايتپاعاندا، كورەيا ازاماتتارى ءۇشىن دە قوماقتى قارجى.

ەسكە سالساق، جول اپاتى بىلتىر 16 قىركۇيەكتە بولدى.  اپاتقا كىنالى ازامات وڭتۇستىك كورەياعا ەرىكتى تۇردە ورالىپ، جاساعان ارەكەتى ءۇشىن كەشىرىم سۇراعان ەدى. ەر كىسىنى ينچحون اۋەجايىنان پوليتسيا وكىلەرى الىپ كەتتى. كولىك قاعىپ كەتكەن بالانىڭ اكەسى ۇلىنىڭ جاعدايى تۋرالى ايتىپ بەرگەن بولاتىن.

دەرەككوز: 24.kz

Abai.kz