جۇما, 29 ناۋرىز 2024
2726 5 پىكىر 10 قاڭتار, 2020 ساعات 13:12

وپپوزيتسيا ابحازيا پرەزيدەنتى اكىمشىلىگىنە باسىپ كىردى

9 قاڭتاردا ءوزىن مەملەكەت دەپ جاريالاپ العان ابحازيادا جۇرت جاپپاي نارازىلىققا شىعىپ، جاڭا سايلاۋ وتكىزۋدى تالاپ ەتتى. جۇزدەگەن ادام سۋحۋم قالاسىندا ابحازيا پرەزيدەنتى راۋل حادجيمبا اكىمشىلىگىنىڭ عيماراتىنا باسىپ كىردى.

عيمارات ىشىنە جينالعاندار «حادجيمبا، وستاۆكاعا كەت!» دەپ ايعايلادى.

ابحازيانىڭ ىشكى ىستەر ءمينيسترىنىڭ ءبىرىنشى ورىنباسارى بەسلان باگاتەليا تاسس اگەنتتىگىنە «پوليتسەيلەردىڭ نارازىلاردى پرەزيدەنت اكىمشىلىگى عيماراتىنان ارى ىعىستىرعانىن، ىشكە كىرگەندەر شىعارىلعانىن» ايتقان.

بىراق كەيىن نارازىلار عيماراتقا قايتا بەت الىپ، ىشكە ءبىرىنشى قاباتتاعى تەرەزەلەر ارقىلى كىرمەك بولدى. كۇزەت ىشكە كىرىپ ۇلگەرگەن بىرنەشە ادامدى قايتا سىرتقا شىعارماي قويدى.

ابحازيا پرەزيدەنتىنىڭ اكىمشىلىگى بۇل نارازىلىقتى «بيلىككە قارسى توڭكەرىس جاساۋعا تالپىنىس» دەپ اتادى.

«وقيعانى مەملەكەتتىك توڭكەرىسكە تالپىنىس دەپ باعالايمىز. بيلىك رەسپۋبليكاداعى جاعدايدى كونستيتۋتسيالىق تارتىپكە ساي قالپىنا كەلتىرۋ ءۇشىن قولدان كەلگەنىن ءبارىن جاسايدى» دەپ مالىمدەمە تاراتتى پرەزيدەنت اكىمشىلىگى.

ابحازياداعى «ايتايرا» (قايتا جاڭعىرۋ) وپپوزيتسيالىق پارتياسى «ەلدەگى جاعدايدى ۋشىقتىرماس ءۇشىن» حادجيمبانىڭ وستاۆكاعا كەتۋىن تالاپ ەتكەن.

ابحازيانىڭ قورعانىس ءمينيسترى ميراب كيمشاريا ينتەرفاكس اگەنتتىگىنە «ابحازيا اسكەرى ەشقاشان ءوز حالقىنا قارسى شىقپايدى، ساياسي ىستەرگە ارالاسپايدى» دەدى.

ابحازيا – 1993 جىلى گرۋزيامەن سوعىستان كەيىن ءوز-ءوزىن جاريالاپ العان سەپاراتيستىك ايماق. ابحازيانىڭ ءبولىنۋىن رەسەي قولداپ كەلگەن. 2008 جىلى بەس كۇنگە سوزىلعان رەسەي-گرۋزيا سوعىسىنان كەيىن ماسكەۋ ابحازيانىڭ تاۋەلسىزدىگىن مويىنداعان. گرۋزيا ابحازيا مەن وڭتۇستىك وسەتيانى رەسەي باسىپ العان ايماق دەپ سانايدى جانە ماسكەۋدى ەلدىڭ شەكاراسىن بۇزدى دەپ ايىپتايدى. رەسەي بۇل ايماققا ءجيى كومەكتەسىپ تۇرادى. بەيرەسمي دەرەكتەرگە ساي، ماسكەۋ ايماقتاعى حالىقتىڭ 90 پايىزىنا تولقۇجات بەرگەن.

2019 جىلدىڭ تامىزىنىڭ اياعى مەن قىركۇيەگىنىڭ باسىندا ابحازيا ايماعىندا سايلاۋ ءوتتى. ەكىنشى تۋرعا قازىرگى پرەزيدەنت راۋل حادجيمبا مەن وپپوزيتسيالىق «امتساحارا» پارتياسىنىڭ وكىلى الحاس كۆيتسينيا وتكەن. كەيىن حادجيمبا جەڭىسكە جەتتى دەپ جاريالانعان. بىراق وپپوزيتسيا حادجيمبا جەتكىلىكتى داۋىس المادى دەپ، سايلاۋدى قايتا وتكىزۋدى تالاپ ەتەدى.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610