جۇما, 29 ناۋرىز 2024
تالقى 4354 7 پىكىر 11 جەلتوقسان, 2019 ساعات 17:25

ەڭبەك ميگرانتتارىنىڭ ميللياردتارى ەلدە قالۋى كەرەك

بۇگىن ءماجىلىس دەپۋتاتى، «اق جول» فراكتسياسىنىڭ دەپۋتاتى بەرىك دۇيسەمبينوۆ ەلىمىزدە جۇمىسسىزدىق جوق ەكەنىن، تەك بۇل سالانىڭ ءتيىمسىز باسقارىلىپ وتىرعانىن ايتتى. قر پرەمەر-ءمينيسترى ا.ۇ.مامينگە جولداعان دەپۋتاتتىق ساۋالىندا ول ەلىمىزگە زاڭسىز كەلىپ جاتقان ميگرانتتاردىڭ سانى جۇمىسسىزداردىڭ سانىنان اسىپ وتىرعانىن ەسكەردى.

قازاقستان رەسپۋبليكاسىنىڭ ەڭبەك مينيسترلىگى كەلەسى جىلعا شەتەلدىك جۇمىس كۇشىن تارتۋ كۆوتالارىن جوسپارلاي وتىرىپ، وسى كۆوتانى ەكى ەسە قىسقارتاتىندىعىن جاريالادى. ءمينيستردىڭ ايتۋىنشا، بۇل شارالار ەلدىڭ ىشكى ەڭبەك نارىعىن قورعاۋ ماقساتىندا جاسالىپ وتىر.

سونىمەن قاتار، 2019 جىلى شەتەلدىك جۇمىس كۇشىن شاقىرۋ كۆوتاسى 49 مىڭ ادامدى قۇراعان. بىراق، 2019 جىلدىڭ 1 قازانىنداعى اقپارات بويىنشا قازاقستاندا شەتەلدىك جۇمىس كۇشىن شاقىرۋعا بەرىلگەن رۇقساتتاردىڭ رەسمي سانى 21 مىڭعا دا جەتپەيدى.

رەسمي مالىمەتتەرگە سايكەس، قازاقستاندا شەتەلدىك جۇمىس كۇشىن شاقىرۋشى 2396 جۇمىس بەرۋشى كاسىپورىندار تىركەلىپتى.

الايدا، رەسمي ستاتيستيكا مەن قازاقستانعا كەلىپ، نان تاۋىپ جۇرگەن شەتەلدىك جۇمىسشىلاردىڭ ناقتى سانىنىڭ ايىرماشىلىعى جەر مەن كوكتەي ەكەندىگى بارىمىزگە ءمالىم.

مىسالى، كوشى-قون كوميتەتىنىڭ مالىمەتتەرىنە سايكەس، 2018 جىلى قازاقستانعا وزبەكستان مەن تاجىكستاننان 551 مىڭ ەڭبەك ميگرانتتارى كەلسە، 2019 جىلى بۇل كورسەتكىش 600 مىڭنان اسادى دەپ بولجانىپ وتىر.

بىراق، بۇل  ميگرانتتاردىڭ سانى ەڭبەك مينيسترلىگىنىڭ شەتەلدىك جۇمىس كۇشى كۆوتاسى بويىنشا ەسەبىندە ەسكەرىلمەيدى. سونداي-اق، شەتەل ازاماتتارىنىڭ  قازاقستاننان سىرتقا قانشا قارجى  شىعارعاندارى  جونىندە دە ەشبىر رەسمي اقپارات جوق.

جوعارىدا كەلتىرىلگەن ەڭبەك ميگرانتتارىنىڭ سانىنا سالىپ ەسەپتەسەك، شەتەل اسقان قاراجات كولەمى ميللياردتاپ ەسەپتەلەدى،ال بۇل قارجى قازاقستان ازاماتتارىنىڭ جالاقىسى بولىپ  ەلىمىزدىڭ ەكونوميكاسىندا قالار ەدى.

سونىمەن قاتار، ستاتيستيكا كوميتەتىنىڭ مالىمەتتەرىنە سايكەس، ەل  ىشىندەگى جاسىرىن جۇمىسسىزدىقتى ەسەپتەمەگەندە، جۇمىسسىز ازاماتتاردىڭ سانى 440 مىڭ ادامنان اسقان.

«بۇنداي جاعداي، ۋاكىلەتتى مەملەكەتتىك ورگاندار تاراپىنان ەڭبەك نارىعىنىڭ احۋالىنا جەتكىلىكسىز كوڭىل اۋدارعانىنان تۋىنداپ وتىر دەپ ەسەپتەيمىز. ءوزىمىزدىڭ 440 مىڭ ازاماتىمىز جۇمىسسىز وتىرعاندا، مىڭداعان شەتەلدىك ەڭبەك ميگرانتتارى ولاردىڭ ورنىن باسىپ وتىر» -  دەدى «اق جول» فراكتسياسىنىڭ دەپۋتاتى ب.دۇيسەمبينوۆ.

وسىعان بايلانىستى ۇكىمەتتەن:

  • مەملەكەتتىك ورگاندارعا، شەتەلدىك جۇمىس كۇشىن شاقىرۋ بويىنشا رەسمي ەسەپتەرىندە ەڭبەك ميگرانتتارىنىڭ ناقتى سانىن ەسكەرۋلەرىن تاپسىرۋىن;
  • شەتەلدىك ەڭبەك ميگرانتتارى قازاقستاننان شىعارعان قاراجات كولەمى تۋرالى تولىق اقپارات بەرۋىڭىزدى وتىنەدى، سەبەبى بۇل جالاقىنى قازاقستاندىقتاردىڭ وزدەرى الىپ، شەتەلگە شىعارماي ەل ەكونوميكاسىنا قۇيۋى ءتيىس ەدى.

قاراپايىم ازاماتتاردىڭ جالاقىسىن كوتەرۋ ماقساتىندا،  شاعىن جانە ورتا بيزنەستىڭ ەڭبەك اقى قورىنا سالىناتىن جۇكتەمەنى ازايتۋ مەن باسقا ستيمۋلداردى  قاراستىرۋىن سۇرادى.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3559