جۇما, 29 ناۋرىز 2024
46 - ءسوز 4187 13 پىكىر 10 جەلتوقسان, 2019 ساعات 12:53

ەل بولا الماي وتىرعانىمىزدىڭ باستى سەبەبى - وتارشىلدىق=قۇلدىق

ەل بولۋ. بىزدە باسقا ماقسات، ارمان-مۇرات بولماۋ كەرەك. ويتكەنى ەل بولۋدان باسقا ماقسات-مۇراتتاردىڭ ءبارى قوراش، كۇيكى، تۇككە تۇرمايتىن باكەنە نارسەلەر.

ەگەر ءبىز ەل بولا الماساق، ىشكەن-جەگەنىمىز، كيگەن كيىمىمىز، مىنگەن كولىگىمىز، قۇشقان قاتىنىمىز، وسىرگەن ۇرپاعىمىز، سالعان ءۇيىمىز - ءبارى جەلگە ۇشادى. ەل بولۋدان ۇلكەن، اۋقىمدى، كەڭ، شەتسىز-شەكسىز، ماسشتابتى ماقسات-مۇرات بولۋى مۇمكىن ەمەس.

ەل بولۋ - بۇل ولشەم. ەل بولۋ جولىندا ءوزىنىڭ جەكە امبيتسياسىن ەلدىكتەن جوعارى قويعان كەز كەلگەن ادام - قازاقتىڭ دۇشپانى. وندايلاردىڭ جولىن كەسۋ كەرەك، تايراڭداتپاۋ كەرەك. ورنىنا قويۋ كەرەك. ءادىل جازاسىن بەرۋ كەرەك. وندايلار ۇلتتىڭ ۇلى دەنەسىنە شىققان جارا، سىزداۋىق نە شيقان ءتارىزدى. ولاردان ەمدەلمەسە، ساقتانباسا - ۇلت قۇريدى، قۇردىمعا كەتەدى. سوندىقتان نە ولاردى اياۋسىز سىلىپ تاستاۋ كەرەك، نە باقىرتىپ جارانىڭ بەتىنە قۇرىم كيىزدى كۇيدىرىپ باسۋ قاجەت.

وكىنىشكە قاراي، ءبىز ەل بولا الماي وتىرمىز. اششى بولسا دا شىندىق. ءوتىمىز جارىلىپ كەتسە دە وسىنى مويىنداۋىمىز كەرەك. ەل بولا الماي وتىرعانىمىزدىڭ باستى سەبەبى - وتارشىلدىق=قۇلدىق. وتارشىلدىق=قۇلدىق - ۇلتتىڭ ۇلى دەنەسىندەگى ەڭ ۇلكەن جارا - وسى. "اۋرۋىن جاسىرعان ولەدى" دەيدى دانا حالقىمىز. ءبىز ءولىپ بارامىز. اۋرۋىمىزدى جاسىرعاننان. اۋرۋىمىزدى مويىنداماعاننان. دياگنوز قويىلماعاندىقتان.

"قۇلدار مەملەكەت قۇرا المايدى" دەپتى مۇسا پايعامبار. راس. 28 جىل بولدى - دۇرىس ەل بولا الماي وتىرمىز. 16 جەلتوقسان جاقىنداپ كەلە جاتىر. تاۋەلسىزدىك جولىندا قان توگىلگەن، اق قار كوك مۇزدا قىزدارىمىز شاشىنان سۇيرەلىپ، ۇلدارىمىز يتكە تالانعان كۇن. ارلى ۇلتتار ەل ەكەندىگىن كورسەتىپ مۇنداي كۇنى ازا تۇتىپ، قۇران وقىتىپ، قايتىس بولعان ۇلت باتىرلارىن ەسكە الادى. تاۋبەسىنە كەلەدى. ء"ولى ريزا بولماي، ءتىرى بايىمايدى".

قان توگىلگەن كۇنى بوركىمىزدى اسپانعا اتىپ تويلاۋ - قاي قيسىنعا سيادى؟ ارۋاقتى كۇڭىرەنتىپ قالاي ەل بولامىز؟

مەنىڭشە، 16 جەلتوقسان - ەلدىك جولىندا ءشايىت بولعان بارشا ارۋاقتارعا قۇران وقىتىپ، دۇعا باعىشتايتىن ۇلتتىق ءتاۋبا كۇنى بولۋ كەرەك. اللا تاعالا تاۋبەمىزدى قابىل قىلسا عانا، ەل بولامىز. "قولىڭمەن ىستەگەندى، موينىڭمەن كوتەر" دەيدى اتا قازاق. تاۋبە سول - قۇل بولعانىمىزدى=وتار بولعانىمىزدى مويىنداپ، ەندى قۇل بولمايمىز دەپ جىلاپ تۇرىپ اللادان كەشىرىم سۇراۋ!

قۇلدىق كەزەڭدە=وتارشىلدىق كەزەڭدە - اشتان قىرىلعان، اتىلعان، ايدالعان، سۇراۋسىز كەتكەن، تۇرمەگە توعىتىلعان، بىزدەن دۇعا دامەتكەن مىڭداعان، ميلليونداعان ارۋاقتاردى ەسكە الۋ كۇنى بولسىن! اللا تاۋبەمىزدى قابىل قىلسىن! تاۋەلسىزدىگىمىز باياندى بولسىن، اعايىن!

ومار جالەلۇلىنىڭ الەۋمەتتىك جەلىدەگى پاراقشاسىنان

Abai.kz

13 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568