جۇما, 29 ناۋرىز 2024
3225 4 پىكىر 10 جەلتوقسان, 2019 ساعات 10:56

WADA رەسەيدى ءىرى حالىقارالىق جارىستاردان شەتتەتتى

دۇنيەجۇزىلىك انتيدوپينگ اگەنتتىگىنىڭ اتلەتتەر كوميتەتى (WADA) رەسەيدى ءىرى حالىقارالىق جارىستاردان، سونىمەن بىرگە وليمپيادا جانە الەم بىرىنشىلىگىنەن شەتتەتتى.

شۆەيتساريادا وتكەن WADA-نىڭ ورىنداۋشى كوميتەتى وتىرىسىندا شەشىم ءبىر اۋىزدان قابىلداندى. وعان رەسەيلىك سپورتتا دوپينگ ەرەجەسىن جاپپاي بۇزىلۋى جانە ماسكەۋ زەرتحاناسىنداعى مالىمەتتەر بازاسىن وزگەرتۋگە ارەكەت جاساۋى سەبەپ بولعان. شەشىم ءالى كۇشىنە ەنبەدى. رەسەي تاراپى 21 كۇن ىشىندە كەرى شاعىمدانا الادى.

رۋسادا رەسەيدىڭ دوپينگكە قارسى اگەنتتىگى دە مارتەدەسىنەن ايىرىلدى. ياعني سپورتشىلار وليمپيادادا جانە الەم بىرىنشىلىگىندە رەسەي تۋىن كوتەرىپ جارىسقا شىعا المايدى. سونىمەن بىرگە WADA رەسەيلىك مەملەكەتتىك قىزمەتكەرلەر مەن وليمپيادا كوميتەتى مۇشەلەرىنە حالىقارالىق جارىستارعا قاتىسۋعا تىيىم سالادى.

وسىلايشا رەسەيلىك سپورتشىلار 2020 جىلى توكيودا جانە 2022 جىلى بەيجىڭدە وتەتىن وليمپياداعا ءوز ەلى اتىنان قاتىسا المايدى. تەك دوپينگكە قاتىسى جوق ەكەنىن دالەلدەگەن سپورتشىلار عانا بەيتاراپ تۋمەن قاتىسۋىنا بولادى.

ەندى حالىقارالىق فۋتبول فەدەراتسياسى (FIFA) رەسەي فۋتبولىنىڭ تاعدىرىن شەشۋى ءتيىس. 2022 جىلى كاتاردا وتەتىن فۋتبولدان الەم بىرىنشىلىگىنە رەسەيلىك فۋتبولشىلار قاتىسا ما، جوق پا، ونى FIFA شەشەدى.

رەسەيدى دوپينگ جانجالى ءۇشىن 2018 جىلى وليمپيادادان شەتتەتكەن. وسىدان كەيىن ماسكەۋ زەرتحاناسىنداعى مالىمەتتەر بازاسىن WADA-عا بەرۋى ءتيىس دەگەن تالاپپەن رۋسادا مارتەبەسىن قايتارعان. بىراق 2019 جىلدىڭ قاڭتارىندا رەسەيلىك سپورتشىلارعا قاتىستى تاعى جانجال بولدى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553