جۇما, 29 ناۋرىز 2024
بيلىك 2462 0 پىكىر 10 جەلتوقسان, 2019 ساعات 10:24

مەملەكەت باسشىسى بىرقاتار كەزدەسۋ وتكىزدى

پرەزيدەنت قاسىم-جومارت توقاەۆ پرەمەر-ءمينيستردىڭ ورىنباسارى بەردىبەك ساپارباەۆتىڭ ەسەبىن تىڭدادى. وندا ۇكىمەتتىڭ ەلىمىزدەگى الەۋمەتتىك قامسىزداندىرۋعا مۇقتاج تۇرعىنداردىڭ جاعدايىنا قاتىستى اتقارىپ جاتقان جۇمىسى تۋرالى ايتىلدى. 2020 جىلدان باستاپ اتاۋلى الەۋمەتتىك كومەك، ەڭ الدىمەن، از قامتىلعان وتباسىلاردىڭ بالالارىنا بەرىلەدى.

مەملەكەت باسشىسى وبلىستارداعى ازاماتتاردىڭ ارىز-شاعىمدارىن ءادىل ءارى ءتيىمدى قاراستىرۋعا ەرەكشە كوڭىل ءبولۋدى تاپسىردى. وسىعان بايلانىستى بارلىق دەڭگەيدەگى اكىمدەردىڭ جاۋاپكەرشىلىگى ايتارلىقتاي ارتاتىن بولادى.

كەزدەسۋ بارىسىندا مىندەتتى مەديتسينالىق ساقتاندىرۋ جۇيەسىن ساپالى جۇزەگە اسىرۋ ماسەلەسى دە قاراستىرىلدى. ۇكىمەتكە ناقتى تاپسىرمالار بەرىلدى.

سونىمەن قاتار بۇگىن قاسىم-جومارت توقاەۆقا ەسەپ كوميتەتىنىڭ توراعاسى ناتاليا گودۋنوۆا  قورعانىس مينيسترلىگىنە، «قازاقستان ينجينيرينگ» ۇلتتىق كومپانياسى» اكتسيونەرلىك قوعامىنا جانە «قازارناۋلىەكسپورت» رەسپۋبليكالىق مەملەكەتتىك كاسىپورنىنا جۇرگىزىلگەن مەملەكەتتىك ءاۋديتتىڭ قورىتىندىسى تۋرالى باياندادى. ەسەپ كوميتەتىنىڭ توراعاسى «قازاقستان ينجينيرينگ» كومپانياسىنىڭ قارجىلىق-شارۋاشىلىق جۇمىسىنداعى رەتسىز شىعىندار، قارىز جۇكتەمەلەرىنىڭ ارتۋى، حولدينگتەگى ءوندىرىس جۇيەسىنىڭ ابدەن ەسكىرگەنى جونىندە مالىمەت بەردى.

مەملەكەت باسشىسى اۋديت قورىتىندىسى بويىنشا جيناقتالعان ماتەريالداردى وكىلەتتى ورگاندارعا جولداۋدى، لاۋازىمدى تۇلعالاردىڭ جاۋاپكەرشىلىگىن قاراستىرۋدى تاپسىردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553