2020 جىلى رەسپۋبليكالىق بيۋدجەتتەن جەرگىلىكتى بيۋدجەتتەرگە 2 ترلن تەڭگەدەن استام سۋبۆەنتسيا بەرىلەدى. بۇل تۋرالى بۇگىن قازاقستان ءماسليحاتتارىنىڭ 25 جىلدىعىنا ارنالعان رەسپۋبليكالىق كونفەرەنتسيادا قر پارلامەنتى سەناتىنىڭ توراعاسى داريعا نازارباەۆا ايتتى.

«بيۋدجەت - بۇل قالاداعى، اۋىلداعى، ەلدى مەكەندەگى ادامداردىڭ لايىقتى ءومىر دەڭگەيىن قامتاماسىز ەتۋدىڭ باستى تەتىگى. ءماسليحات دەپۋتاتتارى اكىمدىكتەرمەن بىرگە ءوز ءوڭىرىنىڭ، ءوزىنىڭ ەلدى مەكەنىنىڭ بيۋدجەت قاراجاتىن ءتيىمدى ءبولۋ ءۇشىن بىردەي جاۋاپكەرشىلىككە يە»، - دەدى ول.

سەنات توراعاسى 2020 جىلى رەسپۋبليكالىق بيۋدجەتتەن جەرگىلىكتى بيۋدجەتتەرگە 2 ترلن تەڭگەدەن استام سوماعا سۋبۆەنتسيا بەرۋ جوسپارلانىپ وتىرعانىن ايتتى.

«سۋبۆەنتسيا كولەمىنىڭ ءوسىمى وبلىستىق جانە قالالىق ماسليحاتتارعا، تەكسەرۋ كوميسسيالارىنا بارىنشا جوعارى تالاپ قويادى. باسىمدىقتار دۇرىس تاڭداپ، ساپالى جوسپارلاۋ قازاقستاندىقتاردىڭ ءومىرىن جاقسارتۋدا شەشۋى رولگە يە بولادى»، - دەدى داريعا نازارباەۆا.

Abai.kz