بەيسەنبى, 28 ناۋرىز 2024
2788 17 پىكىر 6 جەلتوقسان, 2019 ساعات 12:53

ەلىمىزدەگى تاس جولدارعا 23 ميلليوننىڭ اجەتحانالارى ورناتىلماق

«قازاۆتوجول» كومپانياسى 2019-2020 جىلدارعا ارنالعان جول بويىندا سانيتارلىق توراپتار ورناتۋ باعدارلاماسىن تانىستىردى.

ۇلتتىق وپەراتور - «قازاۆتوجول» كومپانياسى اۆتوموبيل جولدارى كوميتەتىمەن بىرىگە وتىرىپ، 2022 جىلعا دەيىن دەمالىس ورىندارىندا 304 سانيتارلىق توراپتى ورناتۋ بويىنشا باعدارلاما جاسادى. بۇل باعدارلامانى قر يندۋستريا جانە ينفراقۇرىلىمدىق دامۋ مينيسترلىگى بەكىتتى.

«قايتا جوندەۋدەن ءوتىپ جاتقان جولداردىڭ بويىندا – 110, پايدالانۋعا بەرىلگەن جول بولىكتەرىندە – 121, اقىلى جول بويىندا – 73 دارەتحانا جاسالادى»، - دەدى كومپانيادان.

قايتا جوندەۋدەن ءوتىپ جاتقان جولداردىڭ بويىندا قازىر 14 توراپ ورناتىلىپ جاتىر.

ونىڭ ءبىرى ششۋچينسك – زەرەندى ۋچاسكەسىندە ورناتىلدى. «نۇر-سۇلتان – پاۆلودار»، «جەتىباي – جاڭاوزەن»، قاراعاندى اينالما جولىندا 11 توراپ قويىلىپ جاتىر. «شىمكەنت - تاراز» تاس جولىندا 2 توراپ ورناتۋ ءۇشىن كەلىسىمگە قول قويىلدى.

وسى باعدارلامانى جۇزەگە اسىرۋ ماقساتىندا 2019 جىلدىڭ 21 قازانىندا 40 اجەتحانا ورناتۋ جانە قىزمەت كورسەتۋ بويىنشا ينۆەستيتسيالىق بايقاۋ جاريالانعان بولاتىن.

قازىر دەمالىس الاڭدارىن قالپىنا كەلتىرۋ، ەلەكتر جەلىسىن تارتۋ، ۇڭعىما قازۋ جۇمىستارى اتقارىلىپ جاتىر. ەلەكتر جەلىسى تارتىلماعان جەرلەرگە بالاما ەلەكتر ەنەرگياسى كوزىن ورناتۋ كوزدەلگەن.

بۇل بايقاۋعا قاتىسۋعا «EUROmodul KZ»، «Qazaqtech»، «Ice Group KZ» جشس سەكىلدى كومپانيالاردان ءوتىنىش ءتۇستى. بايقاۋدىڭ العاشقى كەزەڭى بويىنشا «Qazaqtech» جشس ينۆەستور اتاندى.

«بۇل كومپانيا اجەتحانالارعا جاسىل تەحنولوگيا قاعيداتى بويىنشا ۆاككۋمدى اعىزۋ جۇيەسى، كۇن ەنەرگياسى جۇيەسىن ورناتۋمەن اينالىسادى. بۇل توراپتاردى ورناتۋ ينۆەستور قارجىسىنىڭ ەسەبىنەن بولادى»، - دەدى «قازاۆتوجول» كومپانياسىنان.

ەسكە سالا كەتەيىك، 14 قاراشادا قر پرەزيدەنتى قاسىم-جومارت توقاەۆ تۋريزم سالاسىن دامىتۋداعى كەدەرگىلەردى ايتقان بولاتىن. مەملەكەت باسشىسى اقمولا وبلىسىنىڭ تۋريستىك مۇمكىندىگىنە شەكتەۋ قويىپ وتىرعان ءبىر فاكتور رەتىندە اجەتحانالاردى تىلگە تيەك ەتتى .

«ەڭ قاجەتتى دەگەن جول بويىنداعى دارەتحانالاردى تارتىپكە كەلتىرە الماي وتىرىپ، سەرۆيس جايىندا قالاي ايتامىز؟!»، - دەگەن بولاتىن پرەزيدەنت.

Abai.kz

17 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530