جاڭا زاڭ "شەتەل اگەنتتەرى" تىزىمىندەگى ۇيىمداردا ىستەيتىن جۋرناليستەردى "شەتەل اگەنتى" دەپ تانۋعا جول اشادى. شەتەل اقپارات قۇرالدارىندا جۇمىس ىستەيتىن، ولاردان قارجى الاتىن جەكە تۇلعالار دا "شەتەل اگەنتى" اتانادى.
شەتەلدىك باق رەسەيدە جۇمىس ىستەۋ ءتارتىبىن بۇزعان جاعدايدا، قابىلدانعان ەرەجەلەر "شەتەل اگەنتتەرىنىڭ نەمەسە ولاردىڭ زاڭدى تۇلعالارىنىڭ سايتتارىن بۇعاتتاۋعا نەگىز بولادى" دەپ جازدى تاسس.
رەسەيدە "شەتەل اگەنتتەرى تۋرالى" دەپ اتالىپ كەتكەن زاڭ 2012 جىلى قابىلداندى. قۇجات بويىنشا، شەتەلدەن قارجى الاتىن ۇيىمدار ارنايى تىركەۋدەن ءوتۋى كەرەك. بۇل زاڭ پۋتين بيلىگىنە قارسى نارازىلىقتار كۇشەيگەن تۇستا قابىلدانعان ەدى.
حالىقارالىق ۇيىمدار رەسەي بيلىگىن بۇل زاڭنان باس تارتۋعا شاقىرعان.
رەسەيدىڭ ادىلەت مينيسترلىگى "شەتەل اگەنتتەرى" تىزىمىنە "امەريكا داۋىسى" مەن ازات ەۋروپا/ازاتتىق راديوسى مەدياكورپوراتسياسىنىڭ توعىز رەداكتسياسىن ەنگىزگەن. اە/ار پرەزيدەنتى دجەيمي فلاي بۇل زاڭدى "قاۋىپتى" دەپ اتاعان ەدى.
Abai.kz
