دۇيسەنبى, 20 قاڭتار 2020
1399 8 پىكىر 3 جەلتوقسان, 2019 ساعات 09:46

قىتاي اقش-قا سانكتسيا ەنگىزدى

قىتاي قۇراما شتاتتارعا جانە باس كەڭسەسى اقش-تا ورنالاسقان بىرقاتار ۇكىمەتتىك ەمەس ۇيىمدارعا سانكتسيا ەنگىزدى.

ولاردىڭ اراسىندا "Human Rights Watch" جانە "Freedom House" ۇيىمدار دا بار. قىتاي بيلىگى بۇل ۇيىمداردى گونكونگتاعى اكتسيالاردى قولداپ جاتىر دەپ ايىپتايدى.

قىتايدىڭ سىرتقى ىستەر مينيسترلىگى ۆاشينگتوندى "جاۋاپسىز ءىس-ارەكەتىن ايىپتاپ، بەيجىڭنىڭ ىشكى ىسىنە قول سالدى" دەپ سىنادى.

وتكەن اپتادا اقش پرەزيدەنتى دونالد ترامپ گونكونگتاعى دەموكراتيانى جانە ادام قۇقىقتارىن قورعاۋعا باعىتتالعان ەكى زاڭعا قول قويعان. بۇل قۇجاتتارعا سايكەس، "اقش مەملەكەتتىك حاتشىسى بۇل ولكەدەگى ادام قۇقىقتارى تۋرالى كەمىندە جىلىنا ءبىر رەت بايانداما جاساپ تۇرۋى كەرەك" دەگەن جولدار بار. ەگەر ۆاشينگتون گونكونگتا جەتكىلىكتى دەڭگەيدە ادام قۇقىقتارى ساقتالمايدى دەپ ساناسا، وندا ساۋدا-ساتتىقتىڭ بىرقاتار تۇرلەرى توقتاتىلىپ، جەكەلەگەن ادامدارعا سانكتسيا ەنگىزىلۋى مۇمكىن.

بۇدان بولەك گونكونگقا پوليتسيا جابدىقتارىن جانە تەحنيكالىق جابدىقتارىن ەكسپورتتاۋعا تىيىم سالعان. وسىعان بايلانىستى قىتاي بيلىگى دۇيسەنبى كۇنى امەريكالىق اسكەري كەمەلەر مەن ۇشاقتاردىڭ گونكونگقا بارۋى تۋرالى ءوتىنىشىن قاراۋدى توقتاتتى.

Abai.kz

8 پىكىر