جۇما, 29 ناۋرىز 2024
3953 0 پىكىر 27 قاراشا, 2019 ساعات 13:23

IT-ماماندارعا ارنالعان بايقاۋ

قازاقستاندا ءموبيلدى قولدانبالار مەن ۆەب-قىزمەتتەردى ازىرلەۋشىلەر، ستارتاپ-توپتار، شاعىن جانە ورتا بيزنەس وكىلدەرى مەن ءىرى كومپانيالاردىڭ ءونىم جاساۋشى توپتارىنا ارنالعان ID Challenge بايقاۋى ىسكە قوسىلدى. ول 2019 جىلعى 26 قاراشادان 19 جەلتوقسانعا دەيىن وتەدى. جۇلدە قورى — 1 ملن. تەڭگە جانە جاسالعان ونىمگە ماركەتينگتىك قولداۋ كورسەتۋ. بايقاۋدىڭ ۇيىمداستىرۋشىلارى — BTS Digital, Finnovate جانە Digital ID.

بايقاۋ مىندەتى — IT-ماماندار توبىن جيناپ، بيومەتريالىق سايكەستەندىرۋ تەحنولوگيالارى كومەگىمەن بيزنەس پەن قولدانۋشىلاردىڭ ماسەلەلەرىن شەشەتىن digital-ءونىم جاساۋ. ءونىمنىڭ ماقساتتارى ءارتۇرلى بولۋى مۇمكىن: سۇحباتتاس ادامنىڭ تۇلعاسىن تەكسەرۋ، بيلەت راسىمدەۋ كەزىندە جەكە دەرەكتەردىڭ اۆتوماتتى تۇردە تولتىرىلۋى، ەلەكتروندىق پوشتا ارقىلى قۇجاتتاردىڭ كوشىرمەسىن جىبەرمەستەن ونلاين ساتىپ الۋ نەمەسە قاشىقتان سايكەستەندىرۋ يدەياسىن وربىتەتىن كەز كەلگەن باسقا ماقسات.

بايقاۋعا بۇعان دەيىن قۇرىلعان توپتار نەمەسە ءبىر يدەيامەن بىرىككەن بىرنەشە ادام قاتىسا الادى. توپ قازاقستان ايماعىندا نەمەسە ودان تىس ورنالاسۋى مۇمكىن. بىراق ءونىم قر تۇرعىندارىنا باعىتتالۋى ءتيىس.

باستى شارت — Digital ID تەحنولوگياسىن قولدانۋمەن ءوز ءونىمىن جاساۋ. Digital ID — بۇل كليەنتتەردى قاشىقتان سايكەستەندىرۋدىڭ قازاقستاندا جاسالعان قىزمەتى.

بايقاۋ قورىتىندىلارى بويىنشا ءۇش جۇلدەگەر انىقتالادى. ءبىرىنشى ورىن ءۇشىن قاتىسۋشىلار 500 مىڭ تەڭگە، ەكىنشى جانە ءۇشىنشى ورىن ءۇشىن سايكەسىنشە 300 مىڭ جانە 200 مىڭ تەڭگە يەلەنەدى. جالپى جۇلدە قورى — 1 ملن. تەڭگە. سونىمەن قاتار، جەڭىمپازدار Digital ID قىزمەتىن شەكتەۋسىز قولدانۋدىڭ جىلدىق ليتسەنزياسىنا، جاسالعان ونىمدەرگە BTS Digital جانە BTS Education تاراپىنان ماركەتينگتىك قولداۋ، BTS Digital, BTS Education جانە Finnovate قىزمەتكەرلەرى تاراپىنان تالىمگەرلىككە، وعان قوسا Product Mindset Meetup شاراسىندا ءىس كورسەتۋ مۇمكىندىگىنە قول جەتكىزەدى.

«بيومەتريالىق سايكەستەندىرۋ الەمدى باۋراپ الۋدا جانە ونلاينداعى قارىم-قاتىناستى بۇدان دا سەنىمدىرەك ەتۋدە. ءبىز بۇل ترەندتى قازاقستاندا قولداعىمىز كەلەدى. «60 سەكۋند ىشىندە تانۋ» — بايقاۋعا ءبىز وسى ۇراندى تاڭدادىق. Digital ID ارقىلى قولدانۋشىعا العاشقى سايكەستەندىرۋدى ءوتىپ، ءوز تۇلعاسىن راستاۋىنا جانە سەرىكتەسكە جەكە دەرەكتەرىن بەرۋىنە شاشامەن وسىنشا ۋاقىت قاجەت. بايقاۋدا قولدانۋشىلارعا شىنىمەن پايدالى بولاتىن ونىمدەردى كورە الامىز دەگەن سەنىمدەمىن»، — دەيدى ءونىم جەتەكشىسى ۆلاديمير مەركۋشەۆ.

بايقاۋعا قاتىسۋ كەزەڭى اشىلدى. وتىنىشتەر 2019 جىلعى 9 جەلتوقسانعا دەيىن قابىلدانادى.

بايقاۋ تۋرالى تولىق اقپارات جانە تىركەلۋ ءوتىنىشى جوبانىڭ سايتىندا بەرىلگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1563
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2257
عيبىرات

قايسار رۋحتى عازيز جان

مۇحتار قۇل-مۇحاممەد 3537