جۇما, 29 ناۋرىز 2024
46 - ءسوز 4209 4 پىكىر 27 قاراشا, 2019 ساعات 12:35

ەميل زوليانىڭ «تۆورچەستۆوسى» - جالىقتىرمايتىن كىتاپ

اراعا ۋاقىت سالىپ، قايتالاپ وقىسام دا جالىقتىرمايتىن ءبىر كىتاپ – ەميل زوليانىڭ «تۆورچەستۆوسى». سۋرەتشى كلودتىڭ تاعدىرى، ازاپتى شىعارماشىلىق تاعدىرى، شىعارماشىلىق ءۇشىن، انىعى ءوزىن ساقتاۋ ءۇشىن كۇرەسى، جانتالاسى، ارپالىسى، جەڭىلىسى مەن جەڭىسى، ونەر جولىندا ءوزىن دە «قۇرباندىققا شالىپ» جىبەرۋى مەنى بەي-جاي قالدىرمايدى.

كلود ءولىپ جاتقان بالاسىنىڭ قازانداي باسىنا سۇيسىنە قاراپ، شابىتتانىپ «ءولى بالا» اتتى كارتيناسىن سالادى. سوسىن كارتيناسىن كورمەگە قويىپ، توبىردان تاعى دا شاپالاق، قۇرمەت كۇتەدى.

ءيا، كلودتىڭ جۇيكەسىندەگى «اۋىتقۋشىلىقتى» تۇسىنە دە، قابىلداي دا المايسىڭ. بىراق ول تابيعاتىنان دارىندى سۋرەتشى ەدى. ەميل زوليا كلودتىڭ ءپروتوتيپى سۋرەتشى دوسى پول سەزانن ەكەنىن مويىندايدى. ايگىلى سۋرەتشى سەزانن! وسىدان كەيىن سەزانن ەميلگە قاتتى رەنجىپ، ارالاسپاي كەتەدى.

سۋرەتشى پەدەر سەۆەرين كريويەردىڭ ايتاتىنى بار عوي: «مەنى قۇداي قارعاعان، سوندىقتان مەن مىقتى سۋرەتشىمىن. ونەر دەگەنىمىز – ويىنشىق ەمەس، اۋىر كرەست».

ەميل زوليانىڭ شىعارمالارى وقىرمانعا ءوزىن كورسەتەتىن اينا سەكىلدى.

P.S. ءبىزدىڭ قوعامدا دوستوەۆسكي مەن زوليانىڭ اداسىپ الاسۇرعان، قىلمىس جاساپ، وزىمەن-ءوزى كۇرەسكەن كەيىپكەرى تولىپ ءجۇر. ورىس پەن فرانتسۋز فيلوسوفتارى ءوز ۇلتىنىڭ ۇلى جازۋشىلارىن الەمگە تانىتتى. قازاق فيلوسوفتارىنىڭ زەرتتەۋىنە ارقاۋ بولاتىن قازاق پروزاسىندا دا قانشاما دۇنيە بار.

بىراق بىزدەگى فيلوسوفيا عىلىمىمەن اينالىسىپ جۇرگەندەردىڭ كوپشىلىگى ورىس عالىمدارىنىڭ عىلىمي ەڭبەكتەرىن اۋدارىپ، ءتىپتى كوشىرىپ الۋدان ارىعا اسپايدى...

اياگۇل مانتايدىڭ الەۋمەتتىك جەلىدەگى پاراقشاسىنان

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616