بەيسەنبى, 28 ناۋرىز 2024
3079 1 پىكىر 21 قاراشا, 2019 ساعات 15:53

قر پارلامەنتى سەناتى دوپينگكە قاتىستى زاڭ جوباسىن ماقۇلدادى

بۇگىن قر پارلامەنتى سەناتى «قر سپورت جانە دەنە شىنىقتىرۋ تۋرالى كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار تۋرالى» زاڭ جوباسىن ەكى وقىلىمدا قابىلدادى. زاڭ جوباسى دوپينگكە قارسى ەرەجەلەردى بۇزعانى ءۇشىن جاۋاپكەرشىلىكتى قاتاڭداتۋعا، ۇلتتىق دوپينگكە قارسى ۇيىمنىڭ مارتەبەسىن كۇشەيتۋگە باعىتتالعان.

قولدانىستاعى زاڭناماعا دوپينگكە قارسى ەرەجەلەردى بۇزعانى ءۇشىن جاۋاپكەرشىلىكتى قاتاڭداتۋ بويىنشا وزگەرىستەر مەن تولىقتىرۋلار ەنگىزۋ، اتاپ ايتقاندا سپورتشىعا دوپينگ تاعايىنداعان ادامدارعا قاتىستى اكىمشىلىك جاۋاپكەرشىلىكتى ەنگىزۋ قاجەتتىلىگى تۋىندادى، ول 200 ايلىق ەسەپتىك كورسەتكىش مولشەرىندە ايىپپۇل تۇرىندە جازانى كوزدەيدى.

سونىمەن قاتار، دوپينگتى پايدالانعانى ءۇشىن زاڭ جوباسىندا:

- ديسكۆاليفيكاتسيا;

- سپورتشىنىڭ سپورتتىق ناتيجەسىن جويۋ جانە بىلىكتىلىك ۇپايلارىن نەمەسە بالدارىن الىپ تاستاۋ;

- اقشالاي كوتەرمەلەۋدى قايتارۋ;

- سپورتشىلار مەن جاتتىقتىرۋشىلارعا ءومىر بويى اي سايىنعى ماتەريالدىق قامسىزداندىرۋدى تولەۋدى توقتاتۋ;

- سپورتشىلارعا، جاتتىقتىرۋشىلارعا جانە كلۋب كوماندالارىنىڭ باسشىلارىنا اي سايىنعى اقشالاي قامتۋدى توقتاتۋ;

- سپورتتىق اتاعىنان ايىرۋ;

- وليمپيادا، پاراليمپيادا جانە سۋردليمپيادا ويىندارىنىڭ چەمپيونى جانە جۇلدەگەرى تۇرعىن ءۇيدى پايدالانۋ شارتىن بۇزۋ;

- سپورت تۇرلەرى بويىنشا قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ قۇرامىنان سپورتشىلاردى، جاتتىقتىرۋشىلاردى شىعارۋ.

سونداي-اق، زاڭ جوباسىندا وليمپيادا، پاراليمپيادا جانە سۋردليمپيادا ويىندارىنىڭ چەمپيوندارى مەن جۇلدەگەرلەرىنە 10 جىل مەرزىمگە جالعا بەرۋ ءۇشىن تۇرعىن ءۇي بەرۋ، سونداي-اق دوپينگ-تەستىلەردى ساقتاۋ مەرزىمى 10 جىل بولۋىنا بايلانىستى وسى مەرزىمگە اتالعان تۇرعىن ءۇيدى يەلىكتەن شىعارۋعا تىيىم سالۋ كوزدەلگەن جانە ەگەر وسى كەزەڭدە سىنامالاردا دوپينگ انىقتالماسا، تۇرعىن ءۇي سپورتشىنىڭ مەنشىگىنە بەرىلەتىن بولادى.

بۇل رەتتە، وليمپيادا، پاراليمپيادا جانە سۋردليمپيادا ويىندارىنىڭ چەمپيونى نەمەسە جۇلدەگەرى بولىپ تابىلاتىن قر سپورتشىسى قايتىس بولعان (قازا تاپقان) جاعدايدا، دوپينگتىك سىنامانىڭ ناتيجەسىنە قاراماستان قايتىس بولعان (قازا تاپقان) مۇراگەرلەرىنىڭ تۇرعىن ءۇيدى وتەۋسىز الۋى كوزدەلگەن.

جىل سايىن ۇلتتىق دوپينگكە قارسى ورتالىق 3000 بيوسىناما الۋ جۇرگىزەدى. 2013 جىلدان باستاپ جۇمىس ىستەۋ كەزەڭىندە قازاقستاندىق سپورتشىلاردىڭ دوپينگتى قولدانۋىنىڭ 307 وقيعاسى انىقتالدى.

2019 جىلدىڭ 10 ايىندا دوپينگكە قارسى ەرەجەلەردى بۇزۋدىڭ 37 وڭ وقيعاسى انىقتالدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2247
عيبىرات

قايسار رۋحتى عازيز جان

مۇحتار قۇل-مۇحاممەد 3495