بۇل جونىندە ىشكى ىستەر مينيسترلىگى حابارلادى. مينيسترلىكتىڭ مالىمدەۋىنشە، دارىگەردىڭ ۇستىنەن «ترانسۇلتتىق قىلمىستىق توپ جۇمىسىنا ارالاسۋ» جانە «ادام مۇشەلەرىن زاڭسىز ساۋدالاۋ» بابى بويىنشا قىلمىستىق ءىس قوزعالعان. ۆەدوموستۆو ابىلاي دونبايدىڭ بۇيرەك الماستىرۋ وپەراتسيالارىن قوماقتى قارجىعا زاڭسىز جاساعانىن مالىمدەدى.

«سوتقا دەيىنگى تەرگەۋ كەزىندە قازاقستاندا 2017-2018 جىلى ادام ورگاندارىن زاڭسىز ترانسپلانتاتسيا جاساعان قىلمىستىق توپ بولعانى انىقتالدى. وزبەكستان، قىرعىزستان، ۋكراينانىڭ جاعدايى تومەن ازاماتتارى دونور رەتىندە بۇيرەكتەرىن ساتقان. ولاردىڭ ورگاندارىن جاعدايى جاقسى شەتەلدىكتەر، كوبىسى يزرايلدەن كەلگەندەر العان. ال دونباي قىلمىستىق توپپەن الدىن الا كەلىسە وتىرىپ، ارەكەتىنىڭ زاڭسىز ەكەنىن بىلە وتىرا بۇيرەكتى الۋ جانە ونى سالۋ وپەراتسيالارىمەن اينالىسقان. ول قوماقتى اقىعا زاڭسىز بۇيرەك الماستىرۋ وپەراتسيالارىن جاساعان» دەپ حابارلادى ءىىم.

مينيسترلىك وسىعان دەيىن ۇستالعان ترانسپلانتولوگ دارىگەر قۇتتىمۇراتوۆ پەن قىلمىستىق توپتىق مۇشەسى قىرعىزستان ازاماتى ب.تايسالوۆاعا قىلمىستىق ءىس اياقتالىپ قالعانىن مالىمدەدى.

قازاقستان زاڭىنا ساي، قازاقستاندىقتار شەتەلدىكتەرگە ورگان بەرۋگە تىيىم سالىنعان. قازاقستان ازاماتى تەك قازاقستاندىقتارعا ورگان بەرە الادى.

Abai.kz