18 قاراشا كۇنى پولشادا بالالار ەۆروۆيدەنيەسىنىڭ اشىلۋ سالتاناتى ءوتتى. قازاقستاننىڭ وكىلى ءنومىرى 10-شى بولىپ ونەر كورسەتەتىن بولدى. ەرجان «ارمانىڭنان قالما!»  دەپ اتالاتىن ءانىن  ۋەلس قاتىسۋشىسىنان  كەيىن ورىندايدى.

ايتا كەتەيىك، بايقاۋدىڭ اقتىق مارەسى 24 قاراشادا وتەدى. قازاقستاندىقتار ونى تىكەلەي ەفيردە، «حابار» تەلەارناسىنان 21.00-دە تاماشالاي الادى.

ەرەجە بويىنشا، جەڭىمپازدى تەلەكورەرمەندەردىڭ داۋىس بەرۋ ناتيجەسى مەن  قۇرامىنا ۇشەۋى ەرەسەك جانە ەكەۋى بالالاردان قۇرالعان  5 ادام،  بايقاۋعا قاتىسۋشى ەلدەردىڭ تورەشىلەرى انىقتايدى.

قازاقستاندىقتار تەك قانا ەرجانعا عانا ەمەس، سونىمەن قاتار وزدەرىنە ۇناعان وزگە ەلدەردىڭ قاتىسۋشىلارىنا داۋىس بەرۋ مۇمكىندىگىنە يە. كورەرمەندەردىڭ داۋىس بەرۋى  junioreurovision.tv سايتىندا بايقاۋدىڭ فينالىنا دەيىن 23-24 قاراشا كۇندەرى وتەدى. داۋىس بەرۋ اياقتالعاننان كەيىن، كورەرمەندەردىڭ  ءوز سۇيىكتى انشىلەرىنە داۋىس بەرۋلەرىنە تاعى دا 15 مينۋت ۋاقىتتارى بولادى.

بايقاۋ بويىنشا جانە داۋىس بەرۋ ەرەجەسى بويىنشا تولىعىراق تومەندەگى سىلتەمەدەن بىلۋگە بولادى:

https://jevision.khabar.kz/ru/

انىقتاما ءۇشىن:

• ەرەسەكتەر «ەۆروۆيدەنيەسىنەن» ايىرماشىلىعى كەلەسى بايقاۋدى ۇيىمداستىرۋ قۇقى جەڭىمپازعا بەرىلمەيدى.
• ەرەسەكتەر «ەۆروۆيدەنيەسىنەن» تاعى ءبىر ايىرماشىلىعى، بالالار كونكۋرسىنا قاتىسۋشى ەلدەردىڭ ورىنداۋشىلارىنا  وز ەلدەرىنىڭ وكىلدەرىن قولداۋعا رۇقساتتارى بار.  ول ءۇشىن (junioreurovision.tv) رەسمي سايتىندا  داۋىس بەرۋگە بولادى. ونلاين داۋىس بەرۋدىڭ ءبىرىنشى ساتىسى 23 قاراشا كۇنى نۇر-سۇلتان قالاسىنىڭ ۋاقىتى بويىنشا ساعات 01.00-دەن باستاپ 24 قاراشا كۇنى ساعات 20.59-عا دەيىن جالعاسادى. ونلاين داۋىس بەرۋدىڭ ەكىنشى ساتىسى ءان ورىندالعاننان كەيىن باستالادى جانە 15 مينۋتقا عانا سوزىلادى.
• قازاقستان 2019 جىلدىڭ 24 قاراشاسىندا گليۆيتسە قالاسى، پولشادا وتەتىن حالىقارالىق «Junior Eurovision Song Contest» ءان بايقاۋىنا ەكىنشى رەت قاتىسادى. 9 جاستان باستاپ 14 جاسقا دەيىنگى ورىنداۋشىلار قاتىساتىن «Eurovision» انالوگىندا ەلىمىزدى ەرجان ماكسيم تانىستىرادى. قازاقستاننىڭ اۋماعىندا بايقاۋدى «حابار» تەلەارناسى ترانسلياتسيالايتىن بولادى. «حابار» اگەنتتىگى 2016 جىلعى 1 قاڭتاردان باستاپ ءىس-شارانى ۇيىمداستىراتىن ەۋروپالىق حابار تاراتۋ وداعىنىڭ (EBU) قاۋىمداسقان مۇشەسى بولىپ تابىلادى، بۇل مۇشەلىك اتالعان بايقاۋعا قاتىسۋ ءۇشىن ەلدەن ۇمىتكەر ۇسىنۋعا مۇمكىندىك بەردى.
• بىلتىر قازاقستاندى ءان بايقاۋدا دانەليا تۋلەشوۆا تانىستىردى.  كورەرمەندەردىڭ داۋىس بەرۋ ناتيجەسى بويىنشا،  ول ءۇشىنشى ورىنعا يە بولدى. كورەرمەندەر مەن تورەشىلەردىڭ داۋىس بەرۋ ناتيجەسى بويىنشا جاس ءانشى التىنشى ورىندى يەمدەندى.
• Junior Eurovision بايقاۋىنىڭ شارتى بويىنشا، فينالدا قاتىسۋشىلار ەش جەردە جاريالانباعان  ۇزاقتىعى 2 مينۋت 45 سەكۋندتان 3 مينۋتقا دەيىنگى كومپوزيتسيانى تابيعي داۋىستا ورىنداۋى قاجەت. جەڭىمپاز قازىلار القاسى مەن قاتىسۋشى مەملەكەتتەردىڭ داۋىس بەرۋى ارقىلى انىقتالادى. قازىلار القاسىنا 5 ادام كىرەدى – 3 ەرەسەك جانە 2 بالا. ەرەسەكتەر «ەۆروۆيدەنيەسىنەن» ايىرماشىلىعى كەلەسى بايقاۋدى ۇيىمداستىرۋ قۇقى جەڭىمپازعا بەرىلمەيدى، بۇل جاس ورىنداۋشىلارعا ارتىق قىسىم بولماۋى ءۇشىن ىستەلگەن شارا. بايقاۋ ۇيىمداستىرۋشىلارىن الدىن الا ەۋروپالىق حابار تاراتۋ وداعى  (EBU) انىقتايدى.
•   العاش رەت «Junior Eurovision Song Contest» 2003 جىلى كوپەنگاگەن (دانيا) قالاسىندا 16 مەملەكەتتىڭ قاتىسۋىمەن وتكەن بولاتىن. ال تەلەكورەرمەندەردىڭ جانە قازىلار القاسىنىڭ ورتاق شەشىمىمەن جەڭىمپازدى انىقتاۋ 2008 جىلدان باستاپ مۇمكىن بولدى، وعان دەيىن داۋىس بەرۋ كورسەتىلىم كەزىندە كورەرمەندەرمەن جۇزەگە اسقان ەدى. 2007 جانە 2008 جىلدارداعى  داۋىس بەرۋدەن تۇسكەن پايدا «UNICEF» جولداندى».
•   10 قازان كۇنى ەرجان ماكسيمنىڭ «ارمانىڭان قالما!» («Don’t forsake your dream») دەپ اتالاتىن ءانىنىڭ تۇساۋ كەسەرى ءوتتى. ءاننىڭ اۆتورلارى - حاميت شانعاليەۆ، دانيار الدابەرگەنوۆ جانە  تيمۋر بالىمبەتوۆ. سونداي-اق، ءدال وسى كۇنى كونكۋرستىق انگە تاسپالانعان بەينەبايانىنىڭ  دا  رەسمي تۇساۋ كەسەرى بولدى. بەينەباياننىڭ رەجيسسەرى – الەكساندر فلومبويم، پروديۋسەرى – سەرگي رۋتسكي. ءتۇسىرىلىم جۇمىستارى الماتى قالاسىندا جۇرگىزىلگەن.

Abai.kz