جۇما, 29 ناۋرىز 2024
46 - ءسوز 3734 9 پىكىر 19 قاراشا, 2019 ساعات 12:51

حالىققا زيان بارلىق زاڭداردى قۇرتۋىن تالاپ ەتەمىز!

ءبىز "اقجۇنىس" انالار قوعامى، تىركەلمەسەك تە، تىركەمەسە دە، قانشاما شارۋا اتقاردىق. ءتىپتى، ءبىزدىڭ تالاپ ەتۋىمىزبەن جۇمىس توبى قۇرىلدى، كوميسسيالار قۇرىلدى، حالىقتىڭ الەۋمەتتىك جاعدايىن جاقسارتۋدىڭ جولدارى قاراستىرىلعان "جول كارتاسى" ازىرلەنىپ، ۇكىمەتكە ۇسىنىلدى. (ارينە، ۇكىمەت ونى قوقىس جاشىگىنە لاقتىرا سالدى دا، ءوز جوبالارىن قابىلدادى... مۇنى ءبىز ۇمىتپايمىز...)

"انا مەن بالا قۇقىعىن قورعاۋ" تۋرالى زاڭ جوباسىن دا ۇسىندىق. مەن جەكە ءوزىم ازىرلەگەن زاڭ جوباسى تاعى بار...

ال پرەزيدەنت اتتاي قالاپ جيىپ العان نسود نە ىستەپ جاتىر؟ تىم بولماسا، ميتينگ تۋرالى زاڭداعى "ميتينگىگە اكىمشىلىكتەن رۇقسات الۋ" تۋرالى ءبىر ستاتيانى قاراستىردى ما؟ سەكتور-سەكتور بوپ ءبولىنىپ الدى. ءار سەكتور ءوز سالاسىندا ءبىر زاڭنىڭ ءبىر ستاتياسىن قاراستىرىپ، تالقىلاپ جاتىر ما؟ مۇحتار تايجاننىڭ جەرگە كوسمومونيتورينگ جۇرگىزۋ تۋرالى ۇسىنىس جاساعانى قۇپتارلىق ۇسىنىس. مۇحتاردان باسقا نسود مۇشەلەرىنىڭ نە ىستەپ جۇرگەندەرى بەلگىسىز. جيىلىپ الىپ سۋرەتكە تۇسكەندەرىن، پرەزيدەنتتىڭ قابىلداۋىندا بولدىم دەپ سۋرەتتەرىن جاريالاعاننان باسقا اۋىز تولتىرىپ ايتارلىقتاي ۇسىنىس، جوبالارىن كورمەدىم. تەك پوپۋليستەر جينالىپ العانداي اسەر قالدىرادى...

قولدارىڭا زور مۇمكىندىكتى بەرگەندە نەگە وتكىر-وتكىر ۇسىنىستار، جوبالار ۇسىنىپ، حالىق تالقىسىنا ورتاعا سالمايسىزدار؟ نەگە ەل ءۇمىتىن اقتاۋعا جۇمىس ىستەمەيسىزدەر؟ توپ-توپ سۋرەتتەرىڭدى ەمەس، ىستەپ جاتقان جۇمىستارىڭدى ورتاعا سالىڭدارشى.
الدە تاعى دا "پودسكاز", يدەيا كەرەك پە؟

اناۋ-مىناۋ ۇساق-تۇيەك ماسەلەلەر، تۇيىندەر ەڭ ءىرى ءتۇيىن شەشىلسە، وزدەرى-اق تارقاتىلىپ جۇرە بەرەدى. ەڭ ءىرى تۇيىندەردى، ەڭ ءىرى ماسەلەلەردى ايقىندادىڭىزدار ما؟ ونىڭ شەشۋ جولدارىن ۇسىنىپ، تالقىلادىڭىزدار ما؟                                                                                                                كورمەي قالعان بولسام، كەشىرىم سۇرايمىن. سىلتەمەسىن جىبەرسەڭىزدەر، راحمەت ايتامىن.

باسقا ماسەلەنىڭ ءبارىن قارىق قىپ شەشىپ الماستان، لاتىن دەگەن ماسەلەنى تاعى دا قىزدىرىپ جاتقان بۇل بيلىكتىڭ وسى قيتۇرقىلىعىنا موراتوري جاريالاتىڭىزدار. سونى تالاپ ەتىڭىزدەر. نازاردى نەگىزگى ماسەلەلەردەن باسقاعا اۋدارماسىن. لاتىن - ءدال قازىر باستى ماسەلە ەمەس. ءجۇزىنشى ورىنداعى تاقىرىپ. ونى جابا تۇرۋدى تالاپ ەتەمىز!

ءبىزدىڭ ەڭ ۇلكەن ماسەلەلەرىمىز - مەملەكەتتى قۇردىمعا جىبەرگەن نارسە نە؟ ول - دەپۋتاتتاردىڭ قورىلداپ وتىرىپ قابىلداعان زاڭدارى! حالىققا زيان بارلىق زاڭداردى قۇرتىپ، پايدالى زاڭدار قابىلدانۋىن تالاپ ەتەمىز!

ساۋلە ابىلداحانقىزىنىڭ facebook پاراقشاسىنان

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576