سەيسەنبى, 10 جەلتوقسان 2019
اباي.tv 3851 3 پىكىر 15 قاراشا, 2019 ساعات 16:30

ابزال قۇسپان: قوعامدىق كوميسسياعا كۇنىنە 200-دەي ارىز تۇسەدى

ەل-حالىققا ەسىم-سويى ەتەنە تانىس زاڭگەر ابزال قۇسپان الەۋمەتتىك جەلىدەگى قوعامدىق لەكتسياسىن جاريالاي باستادى.

قوعامدىق لەكتسيانىڭ بۇل جولعى شىعارىلىمى قر پرەزيدەنتى جانىنان قۇرىلعان قوعامدىق كوميسسياعا كەلىپ ءتۇسىپ جاتقان قازاقستانداعى سوتتالعاندار مەن سوتالعان ازاماتتاردىڭ تۋعان-تۋىستارىنىڭ ارىز-شاعىمدارىنا قاتىستى بولدى.

"قازاقستان پرەزيدەنتى جانىنان قۇرىلعان قوعامدىق كوميسسياعا كۇنىنە 200-دەي ارىز كەلىپ تۇسەدى. ال كوميسسيانىڭ وتىرىسىنا 100-ءدىڭ ۇستىندە ادام جەكە قابىلداۋعا كەلەدى. اتاپ ايتاتىن بولساق، 2012 جىلدىڭ قورىتىندىسى بويىنشا، قازاقستاندا 48 مىڭ سوتتالعان بولاتىن بولسا، 2018 جىلى بۇل كورسەتكىش 35 مىڭعا دەيىن تومەندەگەن. ياعني، باس بوستاندىعىن شەكتەۋ ورىندارىندا وتىرعانداردىڭ سانى 3/1 -گە ازايعان.

حالىقارالىق تۇرمە يندەكسى بويىنشا 2000 جىلداردىڭ باسىندا قازاقستان بۇل بويىنشا اقش پەن رەسەيدەن كەيىنگى ءۇشىنشى ورىندا بولسا، قازىر 82 ورىنعا دەيىن تومەندەگەن. وسى سوتتالعان ازاماتتار مەن ولاردىڭ تۋىستارىنىڭ ارنايى جۇگىنەتىن ورىندارى بار", دەيدى زاڭگەر.

ءارى قاراي، زاڭگەر ابزال قۇسپان ادام قۇقىقتارى ماسەلەسى بويىنشا ازاماتتارعا قايدا جانە قالاي جۇگىنۋى كەرەكتىگى تۋرالى تولىعىراق كەڭەس بەرگەن.

ەستەرىڭىزگە سالا كەتەيىك، بۇعان دەيىن ابزال تەمىرعاليۇلى قازاقستان رەسپۋبليكاسى پرەزيدەنتىنىڭ قوعامدىق قابىلداۋ كوميسسياسى مۇشەسى رەتىندە ازاماتتار شاعىمىن قابىلدايتىنىن حابارلاعان. بۇل تۋرالى ول youtube جەلىسىندەگى ۆيدەو ۇندەۋىندە ايتتى.

ال ەرتەڭ قوعامدىق كوميسسيا مەن وعان ءتۇسىپ جاتقان ارىزدار بويىنشا "You Tube" جەلىسىندەگى "Abzal Quspan" ارناسىندا تىكەلەي ەفيردا جاۋاپ بەرىلمەك. وعان مودەراتور بولىپ بەلگىلى قوعام قايراتكەرى، ساياساتكەر مۇرات ابەنوۆ قاتىسادى.

;feature=youtu.be&fbclid=IwAR09ZIwXmoASnTAgkCnxOnYwQcdWQ2p3JIk2bPCTieoxcnXcknnX0UXXmNM

Abai.kz

3 پىكىر