جۇما, 29 ناۋرىز 2024
2225 10 پىكىر 13 قاراشا, 2019 ساعات 11:03

نازارباەۆ پۋتين-زەلەنسكي كەزدەسۋىن ۇيىمداستىرعىسى كەلەدى

قازاقستاننىڭ بۇرىنعى پرەزيدەنتى نۇرسۇلتان نازارباەۆ رەسەي پرەزيدەنتى ۆلاديمير پۋتين مەن ۋكراينا پرەزيدەنتى ۆلاديمير زەلەنسكي اراسىندا كەزدەسۋ ۇيىمداستىرۋعا تىرىسىپ جاتقانىن ايتتى.

12 قاراشادا نۇر-سۇلتاندا Astana club جيىنىندا نازارباەۆ زەلەنسكيدىڭ كەزدەسۋگە كەلىسكەنىن، ءپۋتيننىڭ بۇدان حاباردار ەكەنىن ايتتى.

2014 جىلى رەسەي قىرىم تۇبەگىن اننەكسيالاپ العان سوڭ ماسكەۋ مەن كيەۆ اراسى سۋىپ كەتكەن. كرەملدىڭ ۋكراينانىڭ شىعىسىنداعى سەپاراتيستەردى قولداۋى دا ەكى ەل اراسىنداعى جاعدايدى ۋشىقتىرىپ جىبەرگەن. بىراق رەسەي «كرەمل دونباسس پەن لۋگانسكىدەگى سەپاراتيستەردى قولداپ وتىر» دەگەن ايىپتاۋدى جوققا شىعارادى. 2014 جىلدان بەرى ۋكراينانىڭ شىعىسىنداعى قاقتىعىستان 13 مىڭنان استام ادام قازا تاپقان.

«ەگەر ولار (پۋتين مەن زەلەنسكي – رەد.) كەزدەسۋگە بەيتاراپ جەر ىزدەسە، مەن قازاقستاندى ۇسىنامىن» دەدى نازارباەۆ.

نۇر-سۇلتانداعى جيىندا نازارباەۆ قازاقستانداعى بيلىك ءترانزيتى تۋرالى دا ءسوز ەتتى.

«بيلىك ءترانزيتى جايلى كوپ سۇرايدى. [پرەزيدەنتتىك] مانداتىم 2020 جىلدىڭ سوڭىندا اياقتالۋى ءتيىس ەدى، بىراق مەن ەلىمدە تانىمالدىعىم ارتقان تۇستا پرەزيدەنتتىكتەن كەتتىم. 2015 جىلعى سايلاۋدا 96 پايىز داۋىس جينادىم. [پرەزيدەنتتىكتەن كەتكەنىمدى] حالىق وكىنىشپەن قابىلداعانىن بىلەمىن» دەدى ول.

قازاقستاندا 30 جىلداي پرەزيدەنت بولعان نازارباەۆ بيىل ناۋرىزدا كەنەتتەن وكىلەتىن توقتاتىپ، ورنىنا سەنات توراعاسى بولعان قاسىم-جومارت توقاەۆتى قالدىرعان. نازارباەۆ پرەزيدەنتتىكتەن كەتسە دە، «نۇر وتان» پارتياسىنىڭ جانە قاۋىپسىزدىك كەڭەسىنىڭ توراعاسى رەتىندە قالىپ، بيلىكتىڭ ءبىر تارماعىن ۇستاپ وتىر. ەلدەگى نەگىزگى مينيسترلەر مەن وبلىس، رەسپۋبليكالىق ماڭىزى بار قالالاردىڭ اكىمدەرى نازارباەۆتىڭ كەلىسىمىمەن تاعايىندالادى.

9 ماۋسىمدا كەزەكتەن تىس وتكەن پرەزيدەنت سايلاۋىندا توقاەۆ جەڭىمپاز دەپ تانىلعان. سايلاۋ كۇنى قازاقستاننىڭ بىرنەشە قالاسىندا حالىق بيلىككە قارسى نارازىلىققا شىققان. نارازىلار سايلاۋدىڭ ادىلەتسىزدىگىن ايتىپ، بيلىكتەن تۇبەگەيلى وزگەرىس تالاپ ەتكەن. سول كۇنى پوليتسيا ءتورت مىڭعا جۋىق ادامدى ۇستاعان. ۇستالعانداردىڭ كوبى «بەيبىت ميتينگ وتكىزۋ زاڭىن بۇزدى» دەپ ايىپتالىپ، 10-15 كۇنگە قامالعان. كەيبىرى ايىپپۇل تولەگەن.

قوعام بەلسەندىلەرى مەن ساراپشىلار نازارباەۆتىڭ تولىق بيلىكتەن كەتپەگەنىن، ەلدە قوس بيلىك ورناعانىن ءجيى ايتادى. نازارباەۆ تا، توقاەۆ تا قازاقستاندا قوس بيلىك جايلى ءسوزدى جوققا شىعارادى.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3618