قىركۇيەك ايىندا رەسەيدىڭ اقپارات قۇرالدارى كەشەن اتاۋىن قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ قۇرمەتىنە وزگەرتۋ باستاماسى تۋرالى جازعان.
"بيىل ءساۋىر ايىندا قازاقستان پرەزيدەنتى قاسىم-جومارت توقاەۆ پەن رەسەي پرەزيدەنتى ۆلاديمير پۋتين بايقوڭىر عارىش ايلاعىنداعى اۋقىمدى جوبا - "بايتەرەك" ەكولوگيالىق قاۋىپسىز عارىش زىمىران كەشەنىن دامىتۋدى تاپسىردى" دەدى اسقار ءمامين. پرەمەردىڭ نۇر-سۇلتاندا "بايقوڭىر - الەمنىڭ عارىشكەرلىك بەسىگى" فورۋمىندا ايتقان بۇل مالىمدەمەسىن "ينتەرفاكس" اگەنتتىگى تاراتتى.
"ينتەرفاكس" جوبانى "نازارباەۆ ستارتى" دەپ اتاۋ جونىندە رەسەي باستاما كوتەرگەنىن اتاپ وتكەن.
قىركۇيەك ايىندا قازاقستاننىڭ بۇرىنعى پرەزيدەنتى نۇرسۇلتان نازارباەۆ رەسەي پرەزيدەنتى ۆلاديمير ءپۋتيننىڭ "بايتەرەك" زىمىران كەشەنىنىڭ اتاۋىن "نازارباەۆقا" وزگەرتۋ ۇسىنىسىن قابىلداعان.
Abai.kz
