جۇما, 29 ناۋرىز 2024
2428 3 پىكىر 8 قاراشا, 2019 ساعات 13:11

نيۋ-يورك سوتى ترامپقا ەكى ميلليون دوللار ايىپپۇل سالدى

نيۋ-يورك سوتى اقش پرەزيدەنتى دونالد ترامپتى بىرنەشە كوممەرتسيالىق ەمەس ۇيىمعا 2 ملن دوللار كولەمىندە ايىپپۇل تولەۋگە مىندەتتەدى. پروكۋراتۋرا ترامپتى Trump Foundation قايىرىمدىلىق قورىن جەكە ساياسي جانە بيزنەس مۇددەسى ءۇشىن پايدالاندى دەپ ايىپتادى. بۇل اقپاراتتى "امەريكا داۋىسى" سايتى حابارلادى.

نيۋ-يوركتىڭ باس پروكۋراتۋراسى 2018 جىلى جازدا سوتقا شاعىم تۇسىرگەن. وندا ترامپ پەن ونىڭ ءۇش بالاسىنىڭ سايلاۋ كامپانياسىن قارجىلاندىرۋ تۋرالى زاڭنامانى بۇزعانى ايتىلعان. قوردىڭ كومەگىمەن جينالعان ءۇش ميلليون دوللارعا جۋىق قاراجات ترامپتىڭ 2016 جىلعى سايلاۋالدى كامپانياسى كەزىندە قولدانىلعان. پروكۋراتۋرا دەرەگىنشە، ترامپ قارجىنىڭ ءبىر بولىگىن قاجەتىنە جاراتقان.

ترامپ قور اقشاسىن پايدالانۋ تۋرالى شەشىمدى ءوزى قابىلداعانىن مويىندادى. نيۋ-يوركتىڭ باس پروكۋراتۋراسى مەن پرەزيدەنت ايىپپۇل كولەمىن سۋديا شەشەدى دەپ كەلىسكەن.

وتكەن ايدا ترامپتىڭ زاڭگەرلەرى جانە نيۋ-يوركتىڭ باس پروكۋراتۋراسى قوردى تاراتىپ، ونىڭ قارجىسىن كوممەرتسيالىق ەمەس ۇيىمدارعا ۇلەستىرۋگە كەلىسكەن.

ترامپ تولەيتىن ايىپپۇل مەن Trump Foundation قورىنىڭ قالعان اقشاسى سەگىز كوممەرتسيالىق ەمەس ۇيىمعا تەڭدەي بولىنەدى. قارجى ۇلەستىرىلەتىن قورلاردىڭ اراسىندا تەگىن تاماق تاراتاتىن جانە افروامەريكالىق ازاماتتاردى وقىتۋ، حولوكوس قۇرباندارىن ەسكە الۋ مۋزەيى بار.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596