دۇيسەنبى, 9 جەلتوقسان 2019
523 0 پىكىر 5 قاراشا, 2019 ساعات 09:34

قاسىم-جومارت توقاەۆ «جانۇيا» وتباسىن قولداۋ ينستيتۋتى ورتالىعىنا باردى

مەملەكەت باسشىسى استانالىق وتباسىلارعا «ءبىر تەرەزە» قاعيداتى بويىنشا زاڭگەرلىك، پسيحولوگيالىق، الەۋمەتتىك قىزمەت كورسەتەتىن ورتالىقتىڭ جۇمىسىمەن تانىستى. بۇل جەردە دەنساۋلىق ساقتاۋ، ءبىلىم بەرۋ، كاسىپكەرلىك، اتاۋلى الەۋمەتتىك كومەك الۋ جانە تۇرعىن ءۇي باعدارلامالارىنىڭ ورىندالۋى جايىندا كەڭەس الۋعا بولادى.

«جانۇيا» ورتالىعىنىڭ باستامالارىن جوعارى باعالاعان مەملەكەت باسشىسى اتالعان مەكەمەنىڭ تاجىريبەسىن ەلىمىزدىڭ بارلىق ايماقتارىندا ىسكە اسىرۋ كەرەك ەكەنىن ايتتى.

سونىمەن قاتار پرەزيدەنت ورتالىقتىڭ بازاسىندا ىسكە اسىپ جاتقان «كاسىپكەر انا» جوباسىنىڭ قاتىسۋشىلارىمەن دە اڭگىمەلەستى.

– ءبىزدىڭ ەلىمىزدە جۇمىس ىستەپ، جەتىستىككە جەتكىسى كەلەتىن ادام – ونىڭ جولىن ىزدەيدى جانە تابادى. «ىزدەگەن جەتەر مۇراتقا»، – دەدى قاسىم-جومارت توقاەۆ.

Abai.kz

0 پىكىر