Дүйсенбі, 14 Қазан 2019
46 - сөз 854 9 пікір 10 Қазан, 2019 сағат 13:08

Діни ағымдар мемлекеттің жұмысына араласуға құқы жоқ!

Мемлекеттердің әр-түрлі формасы болады. Солардың ішінде зайырлы және клерикалды мемлекеттер.

Клерикалды мемлекет дегеніміз ел басқару формасында белгілі бір діннің көшбасшылық етуі. Әдетте, ондай елдердің Конституциясында діннің басқару күші нақты айқындалады. Клерикалды мемлекеттер қатарына Ватикан, Сауд Арабиясы, Иран тәрізді мемлекеттерді қосуға болады. Бұл елдерде дін өкілдері мемлекет басқаруға араласып, елдің қоғамдық- саяси болмысын анықтап отырады.

Ал, Қазақстан зайырлы мемлекет. Дін мемлекеттен Конституцияға сәйкес бөлінген. Конституцияның 1-бабына сәйкес Қазақстан зайырлы мемлекет.
Мемлекеттік органдар өзінің қызметін іс-жүзіне асырғанда, осы бапты басшылыққа алуы міндет.

Осы мәселені мемлекет және қоғам әрқашан жіті бақылап отыруы қажет. Заңнан тыс адам, топ, қоғамдастық болмауы керек.

Қандай да болмасын діни ағымдар мемлекеттің жұмысына араласуға құқы жоқ. Заңды қолданатын органдар үшін бұл аксиома.

Ерлан Саировтың жазбасы

Abai.kz

9 пікір