Бейсенбі, 14 Қараша 2019
46 - сөз 1391 20 пікір 4 Қазан, 2019 сағат 14:17

Неге бұл елде тәуелсіз партия құру мүмкін емес?

Оппозиция жоқ бұл елде деп өкпе артамыз. Сынаймыз. Бірлігі жоқ деп күйінеміз. Сатып кетті деп сан ұрамыз.
Бірақ...                                                                                                              Көзге жарқ етіп көрінген оппозициялық тұлғаның ізіне түсіп, жала жауып, түрмеге тоғытып, басын қағып тастайтын, оппозициялық ұйымдардың ортасына қолдан іріткі салып, ту-талақай ететін авторитарлы жүйеде тәуелсіз оппозиция құру мүмкін бе?

Демократияны "Батыстың қалпағы" дейтін жүйеде, өз туған халқына қос стандартты шебер қолданатын жүйеде, бейбіт шеруге шыққан азаматтарын темір торға тығатын жүйеде, билікті бірауыз сөзбен сынағандарды ойсырататын жүйеде бірлігіне сызат түспейтін, іргесі берік, билікке балама ой айтып, конкуренцияға төтеп бере алатын мықты оппозициялық ұйымның өміршең болуы мүмкін бе?

Неге бұл елде тәуелсіз партия құру мүмкін емес?
Неге демократиялық күштер өз еркімен саяси додаға түсе алмайды?
Неге Парламентте "қуыршақ" партиялар отыр?

Кім кінәлі?

Дина Елгезектің facebook парақшасынан

Abai.kz

20 пікір