Жұма, 15 Қараша 2019
Қоғам 1755 0 пікір 10 Қыркүйек, 2019 сағат 12:35

Қазақстандық компания халықаралық сапа сертификатымен марапатталды

Ірі қара малды генотиптеуді жүзеге асыратын "Genesis.KZ" компаниясы ауыл шаруашылығы малдарының тұқымдарын және асыл тұқымдық тектерін растау үшін генетикалық зерттеулер саласындағы халықаралық сапа сертификатын алды.

Бұған дейін компания Ғылым комитеті мен Дүниежүзілік банк құрған "Өнімді инновацияларды ынталандыру" жобасының гранттық бағдарламаларының біріне ие болған.

Жануарларды генотиптеу жөніндегі зертханалар мен коммерциялық компанияларды біріктіретін әлемдегі ең өкілетті халықаралық ұйымдардың бірі: жануарлар генетикасының халықаралық қоғамы Қазақстан компаниясы қатысқан зертханалар жұмысының сапасына зертханааралық салыстырмалы сынақтар өткізді.

Айта кету керек, қазақстандық компанияның зерттеулері мал шаруашылығына жауапты мемлекеттік органдар, мал шаруашылығының коммерциялық емес ұйымдары (палаталар) және мал басын генетикалық бақылауды жүзеге асыратын шаруашылықтардың өздері үшін маңызды.

Қазақстанда етті бағыттағы (ангус, герефорд және т.б.) тұқымдар үшін ІҚМ төлінің шығу тегін генетикалық растау міндетті.

Жұмыс сапасын сынауға қатысу нәтижелері бойынша компания сапасы жоғары ықтимал бағасы бар халықаралық сапа сертификатын алды: генотиптеу ұқыптылығының абсолюттік дәрежесі 1 генотиптерді анықтаудың дәлдігіне 98% -100% және белгілі бір генотиптер негізінде жануарлардың туыстығын анықтау бойынша тестілік міндеттерді толық дұрыс шешуге сәйкес келеді. Бүкіл әлем бойынша қатысушы зертханалардың 50%-ы ғана осындай нәтижеге қол жеткізді.

0 пікір