Жұма, 29 Наурыз 2024
2932 0 пікір 28 Қараша, 2018 сағат 11:57

Түркістан облысында «Бизнестің жол картасы 2020» бағдарламасы аясында 1500 жобаға қаржылай қолдау көрсетілген

Елбасының Қазақстандықтардың әл-ауқатының өсуі: табыс пен тұрмыс сапасын арттыруатты Қазақстан Халқына арнаған Жолдауында жеке кәсіпкерлікпен айналысуға үлкен мүмкіндіктер жасап отырғанын айтқан болатын.

Мәселен, Түркістан облысында «Бизнестің жол картасы 2020» бағдарламасы аясында 1500 жобаға 43 млрд теңге көлемінде қаржылай қолдау көрсетілген. Нәтижесінде 6 мыңнан астам жаңа жұмыс орындары құрылып, бюджетке 63 млрд теңгенің салығы түскен. Бұл туралы бүгін Өңірлік коммуникациялар қызметінде өткен брифингте Кәсіпкерлік және индустриалды инновациялық даму басқармасының басшысы Ғанибет Әубәкіров мәлім етті,-деп хабарлайды Abai ақпарат.

Ғанибет Әубәкіровтің сөзінше, аталған бағдарлама аясында 4,4 млрд теңгеге 400 жобаға қолдау көрсетілген. Сондай-ақ, ағымдағы жылдың  қазан айына дейін 140 992 шағын және орта кәсіпкерлік субъектісі тіркеліп, оның 129 мыңнан астамы мемлекетке салық төлеп келген.

«Атап айтқанда, кәсіпкерлердің банктердегі кредиттері бойынша пайыздық ставканы субсидиялауға 4,2 млрд теңге бөлініп, 350 жоба субсидияланған. Кәсіпкерлердің банктердегі кредиттері бойынша ішінара 102 млн теңге бөлініп, 30 жоба кепілдендірілген. Шағын кәсіпкерлік субъектілеріне мемлекеттік гранттар ұсынуға 60 млн теңге қарастырылып,  20 жобаға мемлекеттік гранттар ұсынылған», - деді Ғанибет Әубәкіров.

Өңірде жыл басынан бергі 9 ай ішінде  негізгі капиталға тартылған инвестиция көлемі  163,5 млрд теңгені құрады. Бұл тұрғыда  Созақ ауданы (26,1 млрд теңге), Түркістан қаласы (16,6 млрд теңге) және Шардара ауданы (15 млрд теңге) көш бастап келеді. Инвестиция көзі болып табылатын жеке инвестициялар көлемі 94 млрд теңгеге жеткен.

Облыс аумағында  инвестицияларды тарту бағытында қолайлы климат құру, сондай-ақ аймақтың әлеуетін арттыру мақсатында Елбасының 2018 жылғы 29 қыркүйектегі Жарлығына сәйкес көпсалалы «TURKISTAN» арнайы экономикалық аймағы құрылды.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1582
Алашорда

Қожанов межелеу науқанында (Жалғасы)

Бейбіт Қойшыбаев 2281
Ғибырат

Қайсар рухты ғазиз жан

Мұхтар Құл-Мұхаммед 3616