Жұма, 29 Наурыз 2024
4300 1 пікір 28 Наурыз, 2018 сағат 09:45

Түркіменстанда ұн тапшылығы: халық жүгері нанымен күнелтіп отыр

Түркіменстанда ұн тапшылығына байланысты халық ақ жүгері нанымен күнелтіп отыр.

"Абырой болғанда, жүгері бітік шықты. Бидай ұнын таппағандар жүгері ұнынан нан жауып жейді. Дашоғыз тұрғындары бұған дейінгі аштық жылдары да жүгерімен күнелткен. Жаңа піскен мұндай нанның дәмі жаман емес. Бірақ келесі күні ол қатып қалады, сындыру қиынға түседі. Сол себепті әйелдер жүгеріден нанды күнде пісіреді", - деді Азатлык радиосына Дашоғыз тұрғыны.

Оның айтуынша, қазір жүгері бағасы да өскен. Оның бір келісі бес манатқа ​(1 доллар - шамамен 3,5 манат) дейін барады. Соған байланысты, кейбір отбасылар мұндай нанға да жете алмай отыр.

Бұған дейін Түркіменстан тұрғындары кебекке көшкені туралы хабарланған еді.

Қазіргі таңда Мары және Дашоғыз уәлаяттарында Қазақстанда шығарылған ұнның бір қабы - 50 келі - 180-190 манат тұрады. Бірақ аймақ тұрғындары мұндай бағаға ұн сатып ала алмайды.

Түркіменстан билігі елдегі азық-түлік дағдарысын ресми түрде мойындамай отыр. Сарапшылар қазіргі тапшылықты табиғи ресурстарға бай Түркіменстан тарихында соңғы 25 жылда болмаған экономикалық дағдарысқа жатқызады.

Abai.kz

1 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1575
Алашорда

Қожанов межелеу науқанында (Жалғасы)

Бейбіт Қойшыбаев 2271
Ғибырат

Қайсар рухты ғазиз жан

Мұхтар Құл-Мұхаммед 3584