Бейсенбі, 28 Наурыз 2024
5634 3 пікір 29 Желтоқсан, 2017 сағат 08:54

Ит басындағы қырғыз қалпағының дауы

Қырғызстанның парламент депутаттары Бішкекте өткен жануарлар киімі көрсетілімінде итке қырғыздың ұлттық бас киімін кигізіп қойған адамды тауып, жазалауын сұрады. Ол киелі бас киімді жануарға кигізуге болмайды дейді.

Бұл дау бірер күн бұрын Бішкекте иттерге арналған киім үлгісін көрсету шарасынан кейін туды. Қырғызстандық дизайнер жануарлар шоуына қатысқан бір итке қырғыздың ұлттық ақ қалпағын кигізіп қойған. Бірақ бірқатар жас белсенділер мұны қырғыз халқын кемсіту деп түсінді.

Белсенділер Бішкекте митинг өткізіп, президентке және парламент депутаттарына хат жазатынын мәлімдеген. Аталған шараны ұйымдастырушылар айыппұл төлеу керек деген еді.

Парламент депутаты, социал-демократ Рыскелді Момбеков жалпы отырыс кезінде елдің бас прокуратурасы мен ұлттық қауіпсіздік комитетіне сауал тастап, иттің басына қалпақ кигізгендер жауапсыз қалмасын деді. Бұл мәселені өзге депутаттар да қолдаған.

"Қала ортасында итке ақ қалпақ кигізеді. Олар ұлттық бас киімді құрметтемей жатыр. Оларды жауапқа тарту керек",- деп мәлімдеді депутат Тазабек Икрамов.

Abai.kz

3 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1562
Алашорда

Қожанов межелеу науқанында (Жалғасы)

Бейбіт Қойшыбаев 2256
Ғибырат

Қайсар рухты ғазиз жан

Мұхтар Құл-Мұхаммед 3530