Жұма, 29 Наурыз 2024
3597 1 пікір 26 Желтоқсан, 2017 сағат 09:17

Өзбекстанда бірінші рет сайлаудағы бұрмалау жөнінде жазылды

Өзбек баспасөзі өткен жексенбіде халық депутаттары кеңесіне болған сайлаудағы бұрмалау жөнінде бірінші рет жазды. "Сайлаудағы алаяқтық!" деп аталатын мақала Kun.uz сайтында жексенбі күні жарық көрді.

Келесі күні материал вебсайттан жоғалып кетті. Бірақ оның көшірмесі кэште (интернет жадысы) сақталып қалған. Қазір сайтта ол мақаланың орнында мемлекеттік агенттіктің сайлау таза өтті деген ақпараты көшіріліп басылған.

Басылым сайлаушылар түсірген видеоға сілтеме жасап, сайлау бюллетендерін жаппай жәшікке тастап жатқаны жөнінде ақпарат берген.

"Видеода адамдардың өздерінің туыстары және достары үшін бірнеше бюллетендердің жәшікке тастап жатқанын көруге болады. Олар сайлау учаскелеріне бірнеше төлқұжатпен келді. Оның үстіне жергілікті билік өкілі дауыс беруге келгендерге, екінші нөмірлі үміткер – Жамолов Ғафурды белгілеңдер деген нұсқау берілген", – делінген мақалада.

Ал бұл уақытта Өзбекстанның мемлекеттік ұлттық ақпарат агенттігі "сайлау демократиялық талаптарға сай әділетті, таза өтті" деп хабарлап жатты.

Ташкентте жергілікті өзін-өзі басқару органдарына соңғы 14 жылда бірінші рет сайлау өтті. Сонымен бірге өзбек билігінің айтуынша, бұл жолы бірінші рет электронды біріңғай санау жүйесі қолданылған.

Abai.kz

1 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1567
Алашорда

Қожанов межелеу науқанында (Жалғасы)

Бейбіт Қойшыбаев 2261
Ғибырат

Қайсар рухты ғазиз жан

Мұхтар Құл-Мұхаммед 3551