Жұма, 29 Наурыз 2024
Күбіртке 6303 0 пікір 22 Маусым, 2015 сағат 09:41

ПЕНТАГОН: РЕСЕЙМЕН ШИЕЛЕНІС ҰЗАҚҚА СОЗЫЛАДЫ

Пентагон басшысы Эштон Картер Құрама Штаттар және НАТО одақтастарының Ресеймен арадағы шиеленісі ұзаққа созылады деп мәлімдеді. BBC-дің жазуынша, Картер Ресейдегі саяси бағыттың Путин президент болып тұрған кезде, тіпті одан кейінгі президент кезінде де жаңара қоймайтынын айтқан. Себебі НАТО Ресеймен қатынаста қатаң позицияда теңгерімді тәсіл қолданбақ.

Еуропаға қысқа мерзімді саяхаты алдында Картер, журналистердің «Путиннің саясаты өзгеруі мүмкін бе?» деген сұрағына: «- Мен де осыған үміт артамын, бірақ сенімді емеспін», - деп жауап қатқан. Пентагон ертеректе хабарлағандай, Картер 22-26 маусым аралығында Ресей тарапынан болып жатқан мәселелерді талқылау үшін Германия, Эстония және Бельгия елдерінде болады.

АҚШ Қорғаныс Министрі журналистермен кездесуінде Путиннің «Мәскеудің ауыр қоқанлоқысы туралы» сөзін сынға алды. Естеріңізге салсақ, Путин өткен аптада Ресей қорғанысы құрлық аралықтық 40 ядролық ракетамен толығатынын мәлімдеген еді. Ол мұндай мәлімдемені Шығыс Еуропадағы НАТО қарулы күштерін ұлғайту туралы АҚШ-тың ұсынысынан кейін жасаған болатын. Путиннің сөзінше бұл ракеталарды қандай да бір соңғы технологияның көмегімен қағып түсіру мүмкін болмайды. Путиннің сөзінен соң НАТО бас хатшысы Йенс Столтенберг Ресей әскери риторикасының қауіпті екенін, бұлай жалғаса берсе үлкен тұрақсыздық алып келетінін мәлімдеген болатын.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1581
Алашорда

Қожанов межелеу науқанында (Жалғасы)

Бейбіт Қойшыбаев 2281
Ғибырат

Қайсар рухты ғазиз жан

Мұхтар Құл-Мұхаммед 3610