ЮНИСЕФ жыл сайын әртүрлі індетке қарсы екі миллиардқа жуық вакцинаны сатып алып, 100-ге тарта дамушы елге жеткізіп тұрады.
Ұйым өзі атап өткендей "бұрын соңды тарихта болып көрмеген ең ірі іс-шараны" жүзеге асыру үшін қазір жүкті тасымалдау бойынша және логистикалық жүздеген компаниямен келіссөз жүргізіп жатқанын мәлімдеді.
"Бұл баға жетпес тарихи әрі ғаламат операцияны жүзеге асыру барысында ынтымақтастық үлкен мәнге ие болады", - деп атап өтті ЮНИСЕФ-тің қамтамасыз ету жөніндегі директоры Этлева Кадилли.
Жексенбі күні әлемнің дамыған елдерінің лидерлері онлай бас қосқан "Үлкен жиырмалық" саммитында дамушы елдерде COVID-19 вирусы пандемиясы кезінде болып жатқан дағдарысқа қарсы көмектесу жөнінде сөз болған.
Бірақ бұл оптимистік үндеудің артынша еуропалық саясаткерлердің бай елдер вакцинаны жаппай сатып алғаны жөнінде ескертулері жарияланды.
Abai.kz
