Жұма, 29 Наурыз 2024
4066 12 пікір 29 Қаңтар, 2020 сағат 11:17

БАҚ Гүлнара Каримованың Ұлыбританиядағы барлық мүлкін жариялады

Британдық The Times газеті Өзбекстанның экс-президенті Ислам Каримовтің қызы Гүлнараның Ұлыбританиядағы жылжымайтын мүлкінің тізімін жариялады.

Бұл нысандардың бәрі тәркіленуі мүмкін. SFO (Serious Fraud Office) алаяқтықпен күрес жөніндегі бюро Гүлнара Каримованың мүлкі жайындағы мәліметті бастапқыда Gazette басылымына берген.

Әңгіме Суррей графтығындағы зәулім үй мен Лондонның қымбат ауданындағы жалпы құны 40 млн фунт стерлинг ($52 млн) тұратын екі пәтер жайында.

Суррей графтығындағы Gorse Hill Manor вилласын Каримова 2010 жылы 18 млн фунтқа (23,5 млн доллар) сатып алған. Қазір оның бағасы 30 млн фунт (39 млн доллар) тұрады. Үй маңында өзен бар, оның жанында 1912 жылы салынған серуен құратын мекен мен 70 мың шаршы метр саябақ бар.

Лондондағы Мейфэр ауданында орналасқан пәтердің құны 8 млн фунт (10,4 млн доллар) тұрса, Белгравия ауданындағы пәтердің бағасы 2 млн фунтқа (2,6 млн доллар) барады.

8 қаңтарда Өзбекстанның Жоғарғы сотының баспасөз қызметі Ташкентте Каримова ісіне байланысты жаңа сот процессі басталғанын растады. Оның швейцарлық адвокаты Грегуар Манжа мен қызы Иман былтыр сот отырысының жабық өтетінін хабарлаған.

Бұл жолы Каримованы қылмыстық топ құрып, ақша бопсалаумен айналысты, бюджет ақшасын жымқырды және шетелдегі көлеңкелі табыс көзін заңдастырды деп айыптап жатыр.

2017 жылы әкесі Ислам Каримов қайтыс болғаннан кейін, Гүлнара Өзбекстанда салықтан жалтарды, мемлекет қаржысын ұрлады деген айыппен 10 жылға сотталған.

Abai.kz

12 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1581
Алашорда

Қожанов межелеу науқанында (Жалғасы)

Бейбіт Қойшыбаев 2281
Ғибырат

Қайсар рухты ғазиз жан

Мұхтар Құл-Мұхаммед 3610