Бейсенбі, 28 Наурыз 2024
46 - сөз 4423 8 пікір 5 Қаңтар, 2020 сағат 12:40

Қоғам даму үшін технократтар еліне айналуымыз керек!

Даладан тоңып, үйге кірсем "Астана" арнасында "Жыл таңдауы" боп жатыр екен. Бауыржан Байбек Ерке Есмахан деген əншіні марапаттап, "Сіздер Ерке Есмахан секілді еңбектенсеңіздер, алдарыңызға мақсат қойсаңыздар осындай биікке жетесіздер. Елбасымыз аман, еліміз тыныш болсын" деді.

Осыдан отыз-жиырма жыл бұрын болса, Ерке Есмахан, тағы басқа əншілер танымал болмақ түгілі, əрі кетсе, ауыл клубында, ауданның мəдениет үйінде ғана əн сап жүрген болар еді. Үлкен сахнада "Нұр Отанның" төрағасының бірінші орынбасары қатардағы көп əншінің бірін елге үлгі етіп отырғанда бұл биліктен не күтесің? "Елбасымыз аман болсын!" деп телеарнада тілек айтпаса, осылардың тілін біреу жұлып ала ма?

Жаңа жыл күні осындай нəрсе жазғың келмейді. Жалпы осындай дүниелер жазғым келмейді. Жазбайыншы дейсің... Күйдіріп жібереді.
Ертелі-кеш жер тырмалап, мақта, картошка, қауын-қарбыз егіп, маңдай терін төгіп, еңбек етсе де, байымайтын еңбекқор жұртқа əншіні (Димаштың жөні бөлек) идеал көрсеткен қоғам дамымайды.

Қоғам даму үшін гуманитарлар елінен технократтар еліне айналуымыз керек! Бізге интеллектуалдар керек! Бізге ойын еркін айтатын, ешкімнің пікіріне тəуелді емес тұлғалар керек! Халыққа жақын билік керек!

Еңбекқор адамға ешкім де үлгі бола алмайды. Керісінше ол өзгелерге үлгі бола алады. Жұмыссыз не ертелі-кеш жұмыс істеп, тырбанса да, айлығы күнкөрісінен артылмайтын қазаққа фонограммамен əн айтатын əншілер үлгі бола алмайды.

Халықаралық олимпиадаларда топ жарып жүрген математик, физик жастарымыз көп. Соларды үлгі ету керек. Соларды насихаттау керек.
Жаңа жыл қазаққа жайлы жыл болсын! 

Аягүл Мантайдың әлеуметтік желідегі жазбасынан

Abai.kz

8 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1560
Алашорда

Қожанов межелеу науқанында (Жалғасы)

Бейбіт Қойшыбаев 2250
Ғибырат

Қайсар рухты ғазиз жан

Мұхтар Құл-Мұхаммед 3503