Алматы. 6 қыркүйек. ҚазТАГ - ҚР көлік және коммуникация министрлігінің (ККМ) көлікке бақылау комитетінің жүргізген «Скутер» акциясы барысында шағын қайықтар мен олар тұратын базаларды пайдаланудың ережелерін 367 рет бұзу оқиғалары тіркелді, делінген дүйсенбі күні ККМ таратқан хабарда.

Акция республика су қоймаларындағы адамдардың жаппай тынығатын орындарындағы адамдардың денсаулығы мен өмірінің қауіпсіздігі үшін шағын кемелерді пайдалану қауіпсіздігін қамтамасыз ету мақсатында жүргізілді.

Былтырғымен салыстырғанда шағын кемелерді пайдаланудың ережелерін бұзу оқиғалары 25 %-ға артып отырғаны анықталды.

«Мысалы, 2009-шы жылы 297 бұзушылық  тіркелсе, 2010-шы жылы ол цифр 367-ге көтерілді», - делінген ақпараттық баянда.

Құқық бұзушылықтың негізгі себептері - кеме иелерінің құқықтық-нормативтік актілерді білмеуі, кемені мас күйінде басқаруы, сондай-ақ қауіпсіздіктің қарапайым ережелерін сақтамауы болып табылады.

Басқа бұзушылықтардың арасында тиісті тәртіппен тіркелмеген, немесе техникалық тексерістен өтпеген, борттық номерлері көрсетілмеген қайықтарды пайдалану оқиғалары - 181 факті. Кемелерді арнайы куәлігі жоқтардың басқаруы - 99 факті және шағын кемелерді пайдалану ережелерін бұзуы - 79 факті.

Республика бюджетіне Т1,4 млн (2009-шы жылы  - Т1 млн) өндірілді. Аталған кемшіліктерді жоймайынша 116 кемені пайдалануға тыйым салынды.

Жыл сайынғы «Скутер» акциясы биыл да шомылу маусымында маусымның 1-і мен 31-ші тамыз аралығында өтті.