Құрметті жамағат!!! Барлықтарыңызды мұсылман қауымының ең қасиетті де мәртебелі мейрамы - Құрбан айтпен құттықтаймыз! Алла тағала сенімімізді күшейтіп, нұрын жаудырсын! Жылдың осы бір кезеңін бір Аллаға: "Күнәмді кешір",- деп жалбарына сұрайтын, анадан жаңа ту­ған­дай болып пәктенетін мезгіл деуге болады. Әрбір мұсылманға жүктелген бес парыздың бірі - қажылық болса, бүгінде Арабия түбегіндегі қасиетті орындарындағы мінәжат ету шараларына шамамен 2,5 млн адам жиналды. Сауд Арабиясы қажылық парызын өтеймін деген қазақстандықтарға 4 мың квота бөлгенімен, елімізден қажылыққа 2 мыңнан аса ғана адам барды. Былтыр 5 мың адам барса, биылғы аз көрсеткішті доңыз тұмауының қаупімен байланыстырып отыр. Құрбан араб тілінде "жақындау" деген мағынаны білдіреді, ал шарғи мағынасы - Алла тағаланың ри­зашылығына жақындау, бөлену ниетімен құрбан айт күндері шалынатын арнайы мал. Айт күні құр­бан шалып, Алла тағаланың мейіріміне жақында­ған құлдары бір-біріне игі тілектер айтысып, дәм та­тысады. Құрбандық айт намазынан соң ғана шалынады.